م/ 501 ليل/داخلى
حجرة إسماعيل
إسماعيل قاعد وجيهان بجواره
جيهان : يا بابا. كل حاجة بيفهمها غلط.
إسماعيل : إنت معاك حق يا بنتي. بس برضه لازم تتعاملي معاه بهدوء شوية متبقيش. محموقة وكل حاجة تآخديها على أعصابك وفوتى شوية
جيهان :أنا كل ما أقول له حاجة يفهمها. بالعكس. أقوله إنت فاهم غلط. يقولي أنا ما بفهمش أقول له ما تدقش الحاجات الصغيرة. يقولي أنا تافه ,, طفل يا بابا. طفل مش ناضج خالص.
إسماعيل :أنا اتكلمت معاه وعرفته غلط، يا بنتي، إحنا مش عايزين نعمل مشكلة تانية. حاولي معاه
وطول بالك عليه هو وعدني إنه مش هيضايقك. ثاني.
جيهان : حاضر يابابا
إسماعيل : هو طلب يخرج معاكي بكرة. وأنا قلت له يحدد معاك لما يتصل بيك كلمنيه بالراحة وإسمعى
منه من غير عصبية .. وريحيه
جيهان : أمرك يا بابا
تنظر جيهان إسماعيل إسماعيل : عايزة تقولى حاجة ؟؟
جيهان : ياسلام لما المشكلة تبقى بعيد عننا بنقول كلام كويس قوى
إسماعيل : يعنى إيه ؟
جيهان : يعنى حضرتك دلوقتى بتنصحنى اطول بالى على راضى وأسمع منه واسيب العصبية ليه
حضرتك معملتش كده مع حازم ؟؟
إسماعيل : حازم !!
جيهان : أيوه يابابا حازم اللى غايب بقاله أكتر من شهر عن البيت وعايش لوحده من غيرنا, حازم اللى
كل جريمته إنه إشتغل علشان يعمل قرشين لدراسته
إسماعيل :جيهان أنا قلت مش عايز كلام فى الموضوع ده
جيهان : حضرتك عمرك ماكنت قاسى معانا ابدا يابابا , وبيتهيألى كمان ان حازم وحشك .. خليه
