شقة صبرى – حجرة أشرف
أشرف ماسك كتاب لكنه سرحان وتدهل هند
هند أشرف.. أشرف ...
أشرف أيوه ياماما...
سرحان فى إيه ياحبيبى؟
أشرف مفيش النهاردة قابلت جيهان وخطيبها
هند والله.... فين؟
أشرف فى النادى ... بس شخص مش ظريق ومعندوش ذوق أبدا
هند ليه حصل منه حاجة؟
أشرف سلم بقلة ذوق .. مش لايق لجيهان خالص
هند هبة بتقول لإيمان إنها مش طايقاه ..
أشرف معاها حق... بس إحنا مالنا , كنت بتنادى ليه؟
هند آه هاسألك عايز تشرب عصير؟؟
أشرف آه وماله ..
هند طيب ياحبيبى .
تخرج هند ويكمل اشرف جيهان بنت ظريفة وشخصية مش عارف وافقت على اللى إسمه راضى ده إزاى؟؟
قطع
شقه اسماعيل – الصاله ليل / داخلى
حكمت وهبه وحنان وجلال وسلمى وهشام بيتفرجوا ع التليفزيون و يرن جرس الباب
هبه عمتى صفيه اهلا وسهلا
صفيه ازيك يا هبه وحشتنى
يقفوا كلهم ويسلموا عليها وتجلس معهم حكمت انت جاية لوحدك والا ايه؟
صفيه انا كنت باشترى شويه حاجات لسعديه قلت افوت
اطمن عليكم .ومعايا عربية تحت بالسواق .اخباركوا
ايه؟
حكمت الحمدلله هشام وحنان نجحوا
صفيه ياختى الف مبرووك عقبال حازم و هبه
حكمت هاتى كيك وحاجة ساقعة لعمتك ياهبة
هبة حاضر
يقترب إسماعيل إسماعيل أهلا ياصفية..
صفية أهلا بيك ياخويا ...
إسماعيل على فكرة ياصفية جلال إبنى خطبنا له سلمى ...
