م/ 167 نهار/ خارجى
أمام الدار القديمة
جيهان قاعدة على الكنبة أمام البيت، ويقترب منها عبد العال ويجلس بجوارها
عبد العال :عجبك الفرح إمبارح يابنت خالى؟
جيهان :آه فرح جميل قوى عقبالك ياعبد العال.
عبد العال :يارب
جيهان :الجو حلو قوى النهاردة ..
عبد العال :مش حلو زيك يابنت خالى
جيهان: شكرا
عبد العال: إنت عارفة إن جدى معروف كان قارى فتحتنا وإحنا صغيرين ؟
جيهان :آه. سمعت. بس إنت بتصدق الكلام ده؟
عبد العال: ليه لأ يا بنت خالي.
جيهان :ده كلام فاضى
عبد العال: ليه بس؟ ده انا حتى انفع والله
يقرب منها فتبتعد جيهان: تنفع لإيه؟
يقرب أكثر، وتبعد جيهان
عبد العال : أنا باعرف أقرأ واكتب وفلاح شاطر وباشتغل زي الحمار
جيهان : ماشي تنفع خلاص زي الحمار،انا مالى بقى ؟؟
يتآخر جنبها تانى وتبعد
عبد العال: تقبلي ياجيهان؟
جيهان: أقبل إيه يا عبد العال؟
عبد العال :تتجوزيني؟
تتحرك جيهان لآخر مسافة على الكنبة وتقع على الأرض .
قطع
م/ 168 نهار/ داخلى
بيت صفية – حجرة الجلوس
إسماعيل جالس وتدخل صفية بالشاى.
صفية: إتفضل ياخويا
إسماعيل: تسلم إيدك ياصفية..
صفية :بأقولك إيه يا إسماعيل كنت عايزة اكلمك فى موضوع كده .
