م/336 نهار/ داخلى
شقة إسماعيل- الصالة الباب مفتوح
حكمة مشغولة في التنظيف، تدخل جهاد في يدها اوراق
جهاد: صباح الخير يا ماما.
حكمت: صباح النور يا حبيبتي،
جهاد: بابا جه
حكمت: لأ. لسا عايزة حاجة
جهاد :جبتله الشهادة عشان يقدمله اشتغل.
حكمت :برضه مصرة يا جهاد.
جهاد :أيوة كده أحسن لي ياماما ,
حكمت: ادخلي حطيهم في الدولاب
تدخل جهاد لحجرة إسماعيل. وتخرج جهاد : أساعدك في حاجة يا ماما.
حكمت :لا يا حبيبتي خليكي مرتاحة. ابنك فين
جهاد :طلع يلعب على السطح
حكمت : والمحروس جوزك
جهاد :راح الشغل وزوغ كالعادة وقاعد بيلبخ فى شوية ورق فوق
حكمت :ورق إيه؟
جهاد :مذكرات الدروس اكيد
حكمت: أنا لو منك اقطعها له ولا أولع فيها
جهاد :وهاستفيد إيه يعنى ؟؟؟
حكمت: تحرقى دمه على الأقل زى ماهو حارق دمنا .. آه لو تسيبوني عليه؟
تضحك جهاد.
قطع.
م/ 337 نهار/ خارجى
السطح
كريم بيلعب على سطح بالكرة ويجري شمال ويمين، وفجأة يشوف فار يخاف و يجري بسرعة وينزل يقع على السلم.
ويجي يقف. يقع تاني ويصرخ من الألم
كريم : آه رجل. رجلي الحقيني ياماما ,الحقيني ياماما.
قطع.
م/ 338 نهار/داخلى
