39
نهار/ داخلى
قرية اسماعيل- منزل صفية
يقترب ميكروباص ويتوقف امام البيت ووينزل منه اسماعيل وحكمت والأولاد وكل واحد شايل كيس
ويحاسب حازم السواق ويقفوا يبصوا حولهم بحزن وتبكى حكمت ويربت عليها اسماعيل ويدخلوا البيت
قطع
م/40 نهار/ داخلى
بيت صفية
الحاج معروف قاعد على الكنبة واسماعيل وحكمت واولادهم حوله وصفية وزوجها صابر واولادها الثلاثة
( نوال- عبد العال- سعدية) وعبد العال بيبص على جيهان
معروف انت اللى صممت تعيش فى مصر وآدى آخرتها بقيت من غير بيت والبيت هنا كان يساعك انت واولادك
اسماعيل يعنى هو حد كان عارف اللى هايحصل يابا
صابر :ده برضه بيتهم ياحاج واحنا نشيلهم على دماغنا
يدور معروف وشه وكان الكلام مش عاجبه
اسماعيل: ده برضه العشم ياصابر
صفية : قوموا يابنات حضروا لقمة لخالكم واولاده
تقوم سعدية ونوال ويدخلوا المطبخ وتكمل صفية: انشاء الله تنبسطوا معانا يأسماعيل ده البلد هنا جوها جميل
اسماعيل : احنا مش هانتقل عليكم وهانقعد فى الدار القديمة
صابر :وليه ياأستاذ اسماعيل البيت هنا كبير والأوض كتير
صفية :سيبه براحته ياصابر
صابر :بس الدار دى كانت ...
تقاطعه صفية : متوسخة شوية ومحتاجة تنظيف بس واد ياعبد العال
يقترب منها وهو لسه بيبص على جيهان
عبد العال : نعم ياأما
صفية: روح وخد حد معاك ونضفوا الدار القديمة بسرعة
عبد العال : اعمل ايه؟
