يوميات عائلة مرحة

الحلقة 21

م|/321 نهار/ داخلى

شقة إسماعيل- الصالة

إسماعيل قاعد مع حكمت وجيهان وحنان

حنان : قول لنا يا بابا. حكاية أختك دي. و ليه ما سمعناش عنها قبل كده؟

اسماعيل  :صفاء أختي كانت طول عمرها مش عاجبها.عيشتنا. اتجوزت أبو سلمى من غير رضى. أبويا الله يرحمه و غضب عليها وحلف ماتدخل البيت وطرد من يومها معتبر إنها مش بنته حتى منعنا إننا نجيب سيرتها وهي من يوم ما سابت البيت. معرفناش عنها حاجة

جيهان : طب وليه عملت كده؟

اسماعيل :كانت متمردة عيشة في البلد. دايما تهرب وتيجي عندي وأنا كنت أنصحها وأرجعها لأنى كنت عايش مع عزاب ومينفعش ابدا تفضل معايا , كانت مسحورة بالقاهرة والعيشة فيها

حكمت : وأبوكم يرجعها البلد غصب عنيها وجدكم يضربها العلقة التمام ويحبسها كم يوم

إسماعيل: لحد ما هربت مرة وماجتش عندي، ورجعت وهي متجوزة أبو سلمى وأبويا طردها

جيهان :ويطردها ليه يابابا بدل إتجوزت على سنة الله ورسوله

إسماعيل: خرجت عن طوعه وكسرت كلمته ... ودى حاجة مكانتش سهلة عليه أبدا ..

حنان : مش يمكن لو كان وافق وإحتواها كان ممكن تعيش سعيدة

حكمت :جدك مكانش عنده الكلام ده ياحبيبتى .. كان راجل عندى ودماغه ناشفة, أنا فاكرة كلنا

أيامها إتحايلنا عليه وهو راسه وألف جز ..

يبص لها إسماعيل  تغير كلامها : راسه وألف سيف إنها متدخلش بيته تانى وقال لها بصراحة كده أنا بنتى ماتت ..

جيهان: بيتهيألى إن قراره كان ظالم وباللى عمله ده إتسبب فى اللى حصل لها ..

يتنهد إسماعيل : أهو اللى حصل بقى الله يرحمه

تخرج سلمى من الحجرة حكمت :تعالي يا سلمى.

تقترب سلمى : صباح الخير.

حكمت: صباح النور يا حبيبتي.