/ 403 ليل/داخلى
شقة إسماعيل - الصالة
جيهان قاعدة مع سلمى و جلال
جلال : هما اتأخروا كده ليه ؟
جيهان: أكيد عمي بيتحايل عليها ترجعله.
سلمى: يا رب ترجع له
جلال: ترجعله ده إيه؟
سلمى :هما الإتنين بيحبو بعض.
جلال :حب !! حاجة اسمها حب .. والله ما إنت فاهمة حاجة بلا خيبة. اسكتي أحسن. بدل
الكلام الهايف إللي بتقولي ده.
تنظرله سلمى بصدمة وتجري على الحجرة و هي تبكي.
تغضب جيهان.: والله إنت قليل الذوق وجلياط كمان و معندكش أي إحساس. وأنا أبقى عيلة إذا كلمتك تاني
تتجه جيهان لحجرة هبة ويقف جلال وعلى وجه حزن وندم
قطع
م/ 404 ليل/ داخلى
شقة الحاج مجدى- الصالة
هانم تفتح الباب ويدخل الحاج مجدى . هانم :قابلتها يا حاج؟
مجدى: استني لما أخد نفسيا يا أم عماد .
هانم: طب طمني بس، وافقت ولا لأ؟
يخرج عزت بسرعة من حجرته ويقترب عزت: بابا!!
مجدى :جهاد وافقت إنها تقابلك وتتكلم معاك
عزت :يعني لسا عايزة تطلق؟ ولا غيرت رأيها؟
مجدى : البنت بتحبك يا بني، بلاش تضيعها من أيدك.
عزت :هاشوفها فين ؟ فى بيتهم ؟
مجدى :أنا حددت لك معاها معاك، تروح لها بيت أبوها، إتحايلت عليها عشان تقابلك لوحدها في الشقة، لأن أمها وابوها مش طايقين يشوفوك.
هانم : ليه يعني؟
مجدى: خليكي حقانية ياأم عماد . هما معاهم حق. إحنا لو عندنا بنت وجوزها عمل معاها إللي عملو عزت كنا عملنا اكثر من كده. إسمع ياعزت لو عايز جهاد تتراجع عن طلب الطلاق. راضيها وإعملها إللي هي عايزاه
