.
م/ 200 ليل/داخلى
شقة صبري،- حجرة النوم.
هشام حازم بيركبو سريرو تدخل إيمان
إيمان :إحنا بنتعبكم معانا
يوقف هشام يقول بصوت حالم هشام : تعبك راحة
إيمان :ماما بتسأل تحبو تشربو إيه؟
هشام: شوربة، ويا ريت يكون فيها فرخة.
تضحك إيمان :انت ظريف خالص،
هشام :الله يظرفك.
إيمان: وذوق قوي.
هشام : الله يزوقك.
يزغده حازم هشام :قصدى من ذوقك
حازم: شكرا. شكرا إحنا خلاص قربنا نخلص
إيمان: طب أنا هاعمل لكم شاى, عن إذنكم
هشام: اتفضلي
تخرج إيمان ويفضل هشام يبص عليها
حازم: ناولنى اللوح ده .. يا هشام. إنت أخينا
هشام :إيه يا حازم؟ طلعتني من أحلامى يا أخي ,شفت الرقة والجمال
حازم: لأ. شفت المر في تركيب العفش. لو يلا خلينا نخلص ظهري وجعني.
يضحك هشام ويشتغل ويدخل مهند
مهند : مش عارفين نشركم إزاى والله لولاو مساعدتكم مكناش خلصنا حاجة م
حازم :لاشكر على واجب يادكتور...
هشام: بيتهيألى دى آخر اوضة
مهند: أيوه إحنا رتبنا الأوض التانية والصالة خلاص وماما إنشغلت فى المطبخ مع البنات ... أعمل معاكم إيه هنا؟
حازم :هات المرتبة من برة بقى وكده يبقى تماما
قطع.
م/ 201 ليل/داخلى
شقة إسماعيل
