معلش الصديقات اللى هايقرأو الجزء ده لأن فيه مشهد جه قبل مشهد اقروها كده على ما اعدله
شركة السياحة – الكافتيريا نهار/ داخلى
جيهان جالسة مع فؤاد جيهان : يابن الإيه ومخبى علينا طول المدة دى
فؤاد :مانا شرحت لك وجهة نظرى
جيهان: الحقيقة عجبتنى لأنى ماحبش حد يآخد حاجة على الجاهز كده واحترم الشخص اللى يحب يتعلم كل
حاجة
فؤاد :يعنى نقدر نقول ان اسهمى عندم ارتفعت والا انخفضت بعد ماعرفتى
جيهان :ارتفعت
فؤاد: بنسبة كام ؟ لو عديت ال50% يبقى عندى امل .. ها عديت
تضحك جيهان :عديت بكتير
فؤاد :ايوه كده يبقى انا هاجيب بابا ونيجى لكم يوم الأتنين اوكى
جيهان : اوكى .. بس استنى .. احنا عندنا فرح اخويا
فؤاد: باقولك ايه لافرح ولاغيره هانيجى يعنى هانيجى أنا ماصدقت
جيهان / مانتوا معزومين ...
فؤاد :صحيح
جيهان: انت مش سمعتنى وانا باقول لإبراهيم بيه وانا وديت له كارت
فؤاد : انا هاكون هناك قبل العروسة والعريس
تضحك جيهان وهى سعيدة
قطع
شقة اسماعيل- الصالة ليل/ داخلى حكمت قاعدة مع حنان وجيهان وسلمى واقفة امامهم بعباية جديدة وهبة وراها
حنان ماسكة كراسة تكتب فيها وجيهان سرحانة
حكمت :ماشاء الله جميلة ياسلمى .... ادخلى بقى قيسى التانية واللى تقلعيها طبقيها كويس
سلمى :حاضر ياماما
تجرى سلمى على الحجرة وهبة وراها
حنان: اكتب ايه تانى ياماما
حكمت: اكتبى ياستى كمان طقم كاسات كبير وواحد صغير
تكتب حنان وتضحك حنان: ايه ده ياماما انت كأنك بتجهزى مطعم هم هايستخدموا ده كله
حكمت: هو جهاز العرايس كده
حنان : ده مبالغ فيه قوى
حكمت: بكرة لما ييجى عليك الدور هاتطلبى اكتر من كده
حنان: طبعا لأ انا مش هاجيب غير الى هاستخدمه وبس
حكمت :سامح هايعدى عليكى امتى
حنان :اتفقنا على بكرة الساعة 6 كده
حكمت : انا والله مش عارفة مين اللى طلع بفكرة انك تلبسى الشبكة فى فرح اخوك؟
