م/ 250 ليل/ داخلى
شقة إسماعيل- المطبخ
جيهان في المطبخ تعمل شاي وهشام معاها.
جيهان : يا نهار أسود. بتقول اتجوزت!! منى اتجوزت؟
هشام :أيوة. اتجوزت واد فرفور حيلة أبوه وغني
جيهان : انت متأكد يا هشام؟
هشام: أيوة أصحابها في النادي قالولي كده. وكمان قابلت واحد زميله في البنك وقال لي إنها راحت تفتح حساب بإسمها.
جيهان: راحت تغيظه بنت الإيه.
هشام: أنا قلت له قبل كده أنا بنت مش كويسة. كان بيزعل مني.
تنادي حكمت من الخارج حكمت : ياجيهان.... جيهان
جيهان: قفل على الموضوع ده وإوعى تجيب سيرة
تدخل حكمت: إيه يا جيهان؟ ما كانتش كوباية شاي يا بنتي
جيهان : خلصتها ماما
حكمت: طيب سيبى إللي في إيدك وروحي كلمي بابا..
جيهان :خير !!
حكمت: بيقول عايزك ...
قطع
م/ 251 ليل/ داخلى
شقة اسماعيل الصالة
إسماعيل واقف أمام حجرة الصالون وتخرج جيهان من المطبخ.
جيهان :نعم يابابا... حضرتك عايزنى ؟
اسماعيل: معاكي فلوس يا بنتي
جيهان: أيوة معايا بتاع 600 جنيه.
إسماعيل: هاتيهم يا بنتي ربنا يسترك عشان أخلص السباك ولما صبري بيديني نصيبه هارجهم لك
جيهان: متفرقش يا بابا الجيب واحد
قطع
م/ 252 ليل/داخلى
شقة اسماعيل، الصالة
