م/ 416 نهار/ داخلى
بيت إسماعيل- سلم البيت.
سلمى نازلة على السلم وهى تحمل بطانية وتفتح جهاد باب الشقة. جهاد :سلمى. إنتي كنتي فين؟
سلمى :كنت بجيب البطانية من على السطح
جهاد :إنت بنت حلال. عايزة حد يحرك معايا السفرة معلش. هتعبك.
سلمى: تعب إيه؟ أبلة جهاد. أنا تحت أمرك.
يدخلو الشقة ويقفلو الباب.
قطع.
م/417 نهار/داخلى
الأرض أمام بيت إسماعيل
الشباب بيلعبو في الأرض، تخرج هبة من البيت بسرعة، وتجري عليهم وهى بتنادى هبة : هشام، جلال. حازم
يلتفوا حولها كلهم. جلال : اهدي فيه إيه؟
هبة: الراجل إللي إسمه سعد تفوق عندنا وبيهددنا بمسدس وعايز سلمى
حازم : كنت متأكد إنه مش هايسكت
جلال :المجرم. عايز منها إيه؟
أحمد : أنا موبايلي فوق هطلع عندنا و اتصل بالبوليس.
يجري أحمد بسرعة للبيت حازم :كل واحد يبص حواليه دور على حاجة نقدر نستخدمها عشان نهجم عليه،
ينتشر الشباب وتقف هبة ترتجف من الخوف
قطع.
م/418 نهار/داخلى
شقة اسماعيل – الصالة
حكمت جيهان حنان. صفية قاعدين بيبصو الخوف على سعد وهو واقف موجه لهم المسدس والباب مفتوح
إسماعيل :ياحكمت فين الفوطة .. اللى هنا صغيرة ...
حكمت: أرد عليه ؟؟؟
سعد :لأ... مترديش ..
تدخل سلمى وتصرخ أول ما تشوف سعد وتحاول تخرج تانى لكن يشدها ويذقها.
