يوميات عائلة مرحة

الحلقة 51

كلية الآداب

إيمان وهبة خارجين من المحاضرة

هبة: ياستر صدعت ,فين أيام المدرسة ؟ ..

تضحك إيمان: دلوقتى مشتاقة للمدرسة ماكنتى بتقولى إمتى نحلص

هبة: كنت هابلة والله .. مكنتش اعرف ,,القرف اللى هانشوفه ,, ده إتضح إن أيام المدرسة كانت احلى ايام

إيمان: تعالى بقى نشرب حاجة ريقى نشف ..

هبة: انا مش هاحضر المحاضرة اللى جاية على فكرة تعبت..

إيمان: ليه؟

هبة: والله خلاص كفاية 3 محاضرات وسكشن قوى .. جبرت على رأى هشام.

إيمان: بمناسبة هشام أخباره إيه؟؟

هبة: وحشك؟؟

إيمان: هبة وبعدين؟

هبة: إنت هاتخبى على؟ مانا عارفة إن هشام بيحبك وإنت كمان ...إيه بقى؟

تبتسم إيمان بخجل وتقول: طيب أخباره إيه ؟

كويس سافر شغله وبيقول هاينزل أجازة تانى بعد اسبوعين ماتبقى تكلميه؟؟

إيمان: اكلمه إيه؟ لأ اتكسف.

هبة: طيب ولول هو كلمك هاتردى عليه؟

تنظر لها إيمان بتردد وتكمل هبة: خلاص هادى له رقمك .

إيمان: اوكى مفيش مانع .

هبة: ده هايفرح قوى .على فكرة..

قطع

الغردقة

هشام جالس يشرب شاى ويفكر ويرن هاتفه ويجيب بسرعة: هبة.. إزيك عاملين إيه؟ وجيهان ؟

هبة: الحمد له جيهان كويسة.. إنت عارفها قوية .

هشام: إستقالت من شغلها؟؟

هبة: ايوه طبعا.. مكانش ينفع تفضل فى الشركة...

هشام: معاكى حق..... طيب .. و.. و اللى إسمه فؤاد ده طلقها ؟

هبة: أيوه بعت لها الورقة ,إستلمتها ودخلت اوضتها من غير ولاكلمة ودلوقتى بتدور عى شغل ..

هشام: هاتلاقى إن شاء الله . جيهان ليها معارف وشغلها رائع

هبة: المهم هاتنسينى أنا مكلماك ليه ؟

هشام: خير فيه حاجة؟

هبة: إيمان وافقت أديك رقمها

يقف هشام فجأة ويوقع كوب الشاى ويقول بفرحة: بجد !!

هبة: أيوه ..ياسيدى

هشام: طيب إقفلى هاكلمها دلوقتى و..

هبة: لأ إستانى دلوقتى إيه؟ لما نبقى فى الجامعة هارن عليك تقوم تكلبها ماشى...