م/ 150 ليل/ داخلى حجرة البنات.
البنات قاعدين يذاكروا، وجيهان تقرأ مجلة ويطل هشام من الباب.
هشام: قومو يابنات بابا عامل اجتماع عائلي عاجل
حنان :خير اجتماع بمناسبة إيه؟
جيهان: أنا عارفة
تقفز هبة من مكانها. هبة: يبقى هيفرق فلوس.
قطع
م/151 ليل داخلى شقة اسماعيل الصالة
إسماعيل وحكمت شباب قاعدين وتخرج البنات الثلاثة من الحجرة وتجري هبة على إسماعيل وتمد يدها
هبة :أنا الأول يا بابا
يخبط هشام على رأسها
هشام: بلاش عبط. إجتماع عائلي. مش تفريق فلوس.
إسماعيل: أقعدو يا بنات.
يجلسوا ماما، ويكمل سماعيل : بتقترح إننا منأجرش الشقة إللي قدامنا ونهد الجدار بين ال
يهللو كلهم مرة واحدة يبص لهم ويقول: أفهم من كده إنك موافقين؟
هشام: بكل تأكيد يا بابا علشان نحس بالوسع.
جلال: إحنا نقلنا من شقة ضيقة لشقة ضيقة صحيح. هي أوسع من الثانية بس صغيرة برضه و محسناش بالتغيير.
حكمت: أنا مش قلت لك من الأول نخليهم شقة وحدة.
إسماعيل : كل شيء بأوان
هشام :و بالمرة آخد أوضة لوحدي.
هبة: يا سلام. إشمعنى إنت إللي تآخد أوضة لوحدك
هشام :أنا الكبير
هبة : لا ياشيخ طبعا انا الى لازم يكون لى أوضة لوحدى
هشام: لأ .. أنا إللي هاخذ أوضة لوحدي.
هبة : أنا في ثانوية عامة.
جلال: والله عاد الروس نامت
جيهان: والانصاص قامت يا فلحين الكبار هما اللى بياخدوا أوض مستقلة
