م/ 266 ليل/ داخلى
حجرة الأولاد
هشام وحنان وهبة. قاعدين وعينهم على باب الحجرة وتدخل جيهان بسرعة
جيهان: بقى مش عارفين تقولو لى حاجة ؟؟
هبة: إستنيت فى الصالة بس ماما مادتنيش فرصة أحذرك .
جيهان: وإزاى ماما تفاجئنى كده ؟؟؟ و طنط روحية دي فاضية لي مش كفاية البلاوي اللى جابتهالي
قبل كده؟ أنا ما صدقت إن أنا اتنقلنا من جنبهم.
هشام : تقريبا متوصية عليكي
تدخل حكمت بسرعة حكمت: إيه رأيك يا جيهان؟
جيهان: في إيه يا ماما؟
حكمت : في العريس أستاذ سمير، أظن المرة دي ميتعيبش
جيهان : برضه عملتها يا ماما وجبتلي واحد عالبيت
حكمت : وفيها إيه يا بنتي هو أنا جايبة لك واحد من الشارع ؟ ده محامي محترم وحالته المادية كويسة،
جيهان: يا ماما أنا سبق وقلت لحضرتك أنا مش هتجوز بالطريقة دي
حكمت : وماله الطريقة دي يا بنتي، بس كل البنات بتتجوز كده،
هشام :وهى جيهان بنات يا مااما
تخبطه جيهان على رأسه ويقول :أقصد مش زي البنات. يعني ليكى شخصية مستقلة
جيهان: يا ماما كل شوية تجيب لي واحد في البيت يتفرج علي ما تحطيني فاترينة قدام البيت أحسن عشان كل إللي عدي في الشارع يبص
حكمت: يا بنتي سبق وقلت لك إن طنط روحية بتنقيلك العريس المناسب.
جيهان: بالذمة إللي جايباه ده مناسب.
حكمت: ماله ده كمان ؟؟؟؟
جيهان: يا ماما ده أقصر مني.
حكمت: الراجل ميتعبش بشكله جيهان.
