شقة اسماعيل- الصالة نهار/ داخلى
حكمت قاعدة بجوراها سلمى وهبة
حكمت :اخرجى بقى ياحنان
تخرج حنان من حجرتها بفستان زفاف ويبصوا لها بانبهار
هبة : الله جميل قوى
سلمى :تحفة ياطنط
حكمت: انما شكله طويل عن ماكنا فى المحل
هبة: ماما
حنان: لأ ياماما لسه الجيبونة بترفعه والشوز
هبة :ماما ... ماما
حكمت: الله ومالبستيهمش ليه؟
حنان: انتوا استعجلتونى .. وعايزة حد يساعدنى
هبة: ماما .. ماماااااا
سلمى: تعالى وانا هاساعدك
تدخل حنان وسلمى لحجرة
حكمت :نادى لجيهان من جوة
هبة : ماما .. ماما
تزعق حكمت: ايه ياهبة فيه ايه؟
هبة: انا هالبس ايه؟
تخرج جيهان بفستان الزفاف
حكمت: ماشاء الله .. زى القمر .. تقولى بقى للكوافير يرفع لك شعرك تحت الطرحة علشان الحلق
الألماظ يبان
هبة: ياماما وانا .. انا
حكمت : اسكتى شوية بقى
هبة :اف ..
تخرج حنان بفستانها ويقفوا البنتين قدام حكمت
حكمت: ربنا يحرسكم من العين ويحميكم يارب
تمسح دموعها : يارب يتم اليوم بخير ...
تقترب وتركع امامها هى وجيهان حنان
