م/ 230 نهار/ داخلى .
شقة إسماعيل الخالية الثانية
إسماعيل واقف مع حكمت يتفرجوا على الدهان في الحجرات - تقف حكمت على باب كل حجرة تتفرجو اسماعيل واقف
في الصالة إسماعيل : إيه رأيك يا ستي.
حكمت :الأوض جميلة أوي. إسماعيل ننقل أوضتنا بقى
إسماعيل: لأ. لما الولاد يخلصو امتحانات.
حكمت : طب نفضي كده أوضة أوضة عشان العمال يدهنو الشقة الثانية
إسماعيل: إنت ناسية الصالة لسة؟ لما نهد الجدار وندهن الصالتين هاننقل كل حاجة
حكمت :طيب السباك أخباره إيه؟
إسماعيل: خلاص يا ستي. بكره آخر يوم وخلص شغل.
اتجه لباب الشقة ويكمل :أنتى قلتى لجيهاان على العريس.
حكمت : بصراحة لأ , ولا جبت لها سيرة
إسماعيل :ليه؟ كده؟ أنا مش قلت لك تدى لها فكرة.
حكمت : ما إنت عارف بنتك هترفض وتقولي مبحبش الطريقة دي.
اسماعيل: برضه. لازم تكون عارفة من قبلها.
حكمت: لأ خليها مفاجأة أحسن.
إسماعيل مفاجأة!! ربنا يستر
يخرجو من الشقة
قطع
م/ 231 نهار/ خارجى
الجامعة.
حنان وعزة خارجين من الكلية. عزة :عملت إيه؟ حنان؟
حنان : الحمد لله. ربنا يستر. بكرة بقى
عزة : آه أنا خايفة قوي من التاريخ ده. مليان كده كله تواريخ. آه. نسيت أقول لك صحيح صحابي عملو
ملخص هيسهل المذاكرة.
حنان: هاتى أصوره
