يوميات عائلة مرحة

الحلقة 47

 ...

شقة إسماعيل – حجرة جيهان

جيهان تدخل للحجرة وتقف تتأملها بحنين وتقول: ياريتنى ماسبتك ..

تسمع الجرس وصوت أمها ترحب بحنان وسامح حكمت أهلا ياحبايبى تعالو

حنان جيهان فين؟

حكمت : جوة فى أوضتكم

تدخل حنان بسرعة للحجرة وتضم جيهان حنان: إزيك ياجى جى ؟

جيهان : الحمد لله كويسة أخبارك إنت إيه؟

حنان: تمام... فين فؤاد؟

جيهان :مش هاييجى ؟؟

حنان: ليه عنده شغل ؟

جيهان: لأ انا مش عايزاه ييجى

حنان: ليه؟ شكلك بيقول فيه حاجة..

جيهان: أيوه فيه حاجات مش حاجة واحدة ..

تغلق حنان الباب وترجع تجلس بجوار جيهان وتقول: إحكى لى..

جيهان: فؤاد .. إتغير تماما... مش ده فؤاد اللى إتجوزته وكنت فاكرة غنه بيحبنى.

حنان: كنتى فاكرة يعنى إيه؟؟؟

جيهان: يعنى إكتشفت إن فؤاد مش بيحبنى .. فؤاد بيحب تفكيرى وذكائى ..

حنان: طيب ماهو كده يبقى بيحبك .. يعنى انا وسامح فيه حاجت كتير بنحبها فى بعض... طريقة التفكير . التصرفات ..

جيهان: لأ فيه فرق كبير قوى بين الحب اللى بينك وبين سامح والحب اللى فى قلب فؤاد , ياحنان , فؤاد إتجوزنى لمصلحته

حنان :مش فاهمة يعنى إيه ؟

شقة إسماعيل – الصالة

حكمت تفتح الباب ويدخل جلال وسلمى ..

جلال: إزيك ياماما..

حكمت : الحمد لله ياحبيبى . ادخلو تعالو ...

جلال: بابا فين وإخواتى

هشام لسه ماجاش وأبوك فى جنازة مريم. والبنات جوة. ياجيهان ياحنان تعالو جلال وسلمى جم ..

تخجر البنات من الحجرة ويسلمو على جلال وسلمى ويجلسو معا ...

قطع

شقة إسماعيل- السفرة

جلال وهشام على الترابيزة والبنات يخرجو من المطبخ بالأطباق وتبص لهم حكمت بتأثر: ولا زمان يابنات والله البيت فاضى من غيركم ..

جلال: ماحنا بنتجمع عندك على طول ياماما..

حكمت : دايما يارب ياحبايبى متجمعين فى الخير