مبنى الحى نهار/داخلى
اسماعيل و صبرى يقتربوا و يدخلوا مبنى الحى
اسماعيل :نروح لمين؟
صبرى :مش عارف نسال؟
يدخلوا اول حجره
صباح الخير يا فندم؟
الموظفه : نعم ياسيدى عايز ايه؟
صبرى : والله عايز...
تقاطعه الموظفه :اطلع فوق...
اسماعيل: بس احنا .......
تقاطعه الموظفه : فوق ياسيدى ما تعطلنيش بقى
يدخل فراش معاه فطار الفراش :اتفضلى سندوتشات اخر حلاوه
الموظفه :جبت الطرشى
الفراش: امال و طازه كمان
ييجى صبرى يتكلم يمسكه اسماعيل
اسماعيل : ما تتعبش نفسك معاها تعالى نطلع فوق وخلاص
يخرجوا من الحجره و يطلعوا السلم و يقابلوا موظف نازل
صبرى : من فضلك انا عايز.....
يقاطعه الموظف : اول اوضه على السلم
صبرى :هو انا لسه قولت حاجه؟
اسماعيل : يمكن بيفهمها وهى طائر
يطلعوا السلم
قطع
مبنى الحى- الدور الثانى نهار /داخلى
اسماعيل وصبرى طالعين السلم ويدخلوا اول حجره على السلم
يدخلوا للموظف اسماعيل : لوسمحت احنا ساكنين فى منطقه جديده و.......
يقاطعه الموظف2 : المناطق الجديده فى الدور اللى فوق
صبرى : ياللا بينا
ويخرجوا من الحجرة
