بعد 7 شهور
م/74 نهار/ داخلى
البيت القديم
اسماعيل قاعد يده على خده وسرحان وتقترب حكمت بالشاى وتقعد جنبه
حكمت : اسماعيل.. اسماعيل ... الشاى
ياخد الشاى اسماعيل : شكرا ياحكمت
تقعد جنبه حكمت :احنا هانمشى امتى من هنا
اسماعيل :انا مش قلت لك اصبرى شوية ياحكمت
حكمت: لأ معدش عندى صبر .. القعدة هنا تقصر العمر بنطبخ بالعافية ونستحمى بالعافية وننام بالعافية وانا قادرة
استحمل والعيال كمان
اسماعيل: طولى بالك كمان كام شهر و..
تقاطعه حكمت: كام شهر !! لأ كده حرام انا استنيت لحد الأربعين بتاع ابوك علشان قلت لى ماينفعش نسيب صفية فى الظروف
دى ودلوقى فات ييجى 7 شهور خلاص كفاية كده بقى اسماعيل يعنى هاتروحى تقعدى فى البيت من غير شبابيك وبيبان استنى لما نركب النجارة ونبلط
حكمت: والحكاية دى تآخد اد ايه
اسماعيل: شهرين على الأقل
حكمت : لسه كمان شهرين.. امرى لله
اسماعيل :والدهان و ..
حكمت :انشاء الله ماندهن نروح نقعد فى بيتنا بقى ياإسماعيل وندهن بعدين واعمل حسابك نآخد شقتين قصاد بعض
اسماعيل: احنا ماتفقناش على كده هى شقة واحدة خلينا نأجر الباقيين يساعدوا فى المصاريف .. البيت ده لما يخلص مش هايبقى حيلتنا حاجة
حكمت :وجهاد ؟؟
اسماعيل: انشاء الله هاتآخد الشقة اللى قصادنا
حكمت: واشوف عزت قصادى فى الرايحة والجاية لأ طبعا
اسماعيل : ماتخلى بنتك قصادنا
حكمت : لأ ياحبيبى اديلها الشقة اللى فوق بنتى حبيبتى ونور عنيه لكن مش عايزة اشوف وش جوزها ابدا
