🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 1 _____:
∆ على قطرات المطر الرقيقة متسسلة من خلال النوافد كيراقصو على الزجاج البارد....كاسر صوتهم الصمت العميق لي مسيطر على جدران البيت المحتافظ بالدكرايات مكتومة.... الاثات مشكل متناغم مع الخشب لي ضاع لونو تحت طبقة من الوحدة..... آتات آسر الوقت فمتاهة من الغبار ..... الساعات القديمة على لحيط كاتعلن توقف الزمن فداك المكان الكئيب ...و الستائر التقيلة عاطية لدار طابع من العزلة.... هواء ثقيل حامل اسرار مدفونة و صور عائلية على الجدران كاتعكس وجوه كاتسائل على معنى الابتسامة!..
تحل لباب و دخل حامل معاه قطرات من المطر لاسقين فالمظلة لي بين يديه و المونطو التقيل لي لابس ،حيد القب من فوق راسو و بانو ملامحو الخشنة و عيونو الملونة عاكسين نظراتو التاقبة.... حجبانو الكثيفة تقطبو بإستغراب و هو كيشوف فالهدوء الغريب لي مخيم على أرجاء الدار ....
رما لمظل باهمال فالارض مخلي قطرات الماء يتوانسو مع الغبار و دخل كيجر فرجليه بشوية وصوت خطواتو الثقال هوما كيتسمعو دايرين سكينة المكان.. طرطق عنقو بتعب لي واضح على جل ملامحو ....ريحة دخيلة مجهدة خلاتو يدخل لكوزينة بخطوات سريعة ....حجبانو زادو تقطبو و هو كيشوف فيها ناعسة فوق الكرسي حالة فمها و فيديها رضيعة كاترضع من صدرها.... لابسة بيجامة عليها بقع الحليب... و كرشها مدلية قدامها دليلة على وقت ولادتها لي ماشي بعيدة الشي لي خلاها تكون واضحة من تحن التوب الخفيف لي لابسة و خصلات شعرها البنية مخربقين تحت زيف لي رامية فوق راسها باهمال... شكلها كلو على بعضو كيخليه يحس بالغثيان من شوفتها
كمش ملامحو بقرف و شاف فسحابة دخان رمادية لي ضايرة بلكوزينة نتيجة الغدا لي تحرق
زفر النفس بالجهد و مشا جهة السراجم كيحلهم طارد الريحة و الدخان لي خنقوه مستغرب كيفاش ماحاسة بوالو و ناعسة بديك الطريقة وداك الهدوء لا هي لا البنت لي فحضنها...
هوا الكوزينة وقرب منها مخسر سيفتو ومحافظ على ملامحو المشمئزة و نغزها بصبعو فكتفها عايف من منظرها..
∆ تحلو عينيها اللوزية ضايرين بالهالات السوداء نتيجة السهر لي سهراتو طول لياليها الماضية مع مولودتها.. رمشات فالسقف مدة وعقدات حواجبها بإستغراب فاش حسات بالنغزات لي فكتفها... ضورات راسها كتقلب على مصدرهم وعينيها باقين كيتلسقو بالنعاس ماقاداش تحلهم.... و غير شافتو قدامها تواكضات وتحلو عينيها على وسعهم كتسرط فريقها بخوف بعدما تسللات ريحة الحراق لجيوبها الأنفية وقدرات تلمح كمية الغضب لي مخيمة على تقاسيم وجهو الحادة بارزة من احمرار عينو وفكو لي ضاغط عليه..
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
