🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 55 _____:
زاد جلس فوق فكرسي واحد من دوك الجليسات لي كانو عليهم مظلات كباار وفوطوي واحد جلدي بلون البحر الصافي لجوج دالناس جنبو جوج كراسى ويوسف حابس فواحد فيهم.. طبيلة الزجاجية لي قدامو عليها فاز شفاف مزين برود بمختلف الألوان ريحتو فاايحة فالمكان ولكن ماشي قوا من ريحتو هو.. حط رجلو فوق ديك الطبيلة ورجع راسو على الكرسي كيتنفس بطريقة مضطربة راعشين بيها أطرافو وغمض عينيه متجاهل جمالية داك الجو والمكان لي ضاير بيه..
غمض عينيه محاول ينظم تنفسو لي تخربق كيف تخربقو افكارو من جديد.. باغي يطفي غير عقلو حيت هو الحاجة الوحيدة لي غاتقدر تحبس هاد المووجة من الإضطرابات لي صابتو.. قبضة يديه مزيرة ومزيرين اثرها عروق يدو وهو كيرخيها ويعاود يجمعها ببطئ ڨاااتل بسبب التشنج لي مزير ليه عضلاتو و دماغو وهو مزال غارق فسؤال واحد خربقو وباقي كيزيد يخربقو ويجرو فطريق اخرها ظلام...
ـــــــــــــــــــــــــــــــــــــــــــــــــــــــــــــ
مريم بقات على حالها مميقة فيه حتى غبر وهزات يديها لنادل عيطات ليه وطلبات عشاها بكل هدوء.. حاسة بالشهية عاد تفتحات ليها وبقات غير تختار فالأطباق وتطلب.. مامسوقاش لشنو وقع قبل أو بالأحرى محاولة ما أكمن تبين ليه بلي مامسوقاش..
دقائق وهي ساهية فالديزاين دالريسطو.. فالناس.. فالعمال.. فالارضية الرخامية.. وفالورد لي جنب السواري.. وفأي حاجة تخليها تناسا حتى تحط العشا قدامها وتقادات فالجلسة مبتاسمة باتساع لمنقدها من تفكيرها الڨااتل..
هزات لفورشيط وبدات تاكل بهدوء مصطنع محاولة بجهدها كامل ماتهزش عينيها ناحية الشرفة وفنفس الوقت ماتفكر فحتى حاجة حيت بالرغم من كلشي هي كانت ماناوياش تراجع أبداا على قرارها لي تخاد من اللحظة لي عرفات فيها بلي راه تقدر تعيش براحة بعيد على أي حاجة تعكر جو صفاء نفسيتها من جديد ومستحيل تراجع عليه وتزيد تعطي فرص فاشلة لعلاقة أفشل ..
شغلات راسها بماكلتها عايشة الجو الخاص بيها ومتجاهلة دوك الاصوات الباطنية لي كتحاول تعكر نفسيتها لي ديجا متدمرة.. وكتحاول ترقعها وترجع قيمتها وكرامتها بجميع الطرق والوسائل المباحة ولو بالغير مباحة ...
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
