🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 49 _____:
كان داخل البيت بعدما تهدن على قبل تعطلاات عليه ودخل يشوف مالها.. مع خطى اول خطوة سبقاتو ريحة الكارو مخلطة مع ريحتو الرجولية طاغيين على المكان.. كان منزل راسو كيخربق فشعرو غير سمع صوت باب الدوش تحل و هز راسو فيها وتوسع بؤبؤ عينيه وهو كيشوفها عاطياه بالظهر غادة كتقاد فشعرها والقبية طالعة ليها من الجنب.. تنهيدة حارة تسمعات من طرفو وعينيه تغمضو كيحرك راسو يمين و شمال محاول يركز فشنو واقع..
ضار هز التجاكيط ديالو ولبس سبرديلتو تاهو عاد شاف فيها هي لي واقفة جنب الباب كتعوج ففمها مخنزرة فيه.. غير شافتو شافها ضارت حلات لباب سابقاه وهو تبعها كيتنهد..
قرب منها بخطوات سريعة شدها من دراعا مقربها ليه وضور يديه على خصرها ملسقها فيه.. مريم هزات عينيها فيه مطرطقاهم وبدات كتنتر فيديه محاولة تفك منو
مريم(بصوت خافت خجول): يوووسف ! (غمض عينيه كيتنهد ) وااش تسطيييتي؟؟
صوتها بديك الطريقة وكيفاش نطقات بيه سميتو وبدون أي مجهود منها خرج محلون وخلاه غير كيتنهد ماعندو جهد ليها تقدم ناحية المصعد لي خرجها منو قبل ساعة مهزوزة فيديه ومخشية فصدرو كتقلب فيه على الدفئ.. وتلقبو هو بالبارد !
يوسف نزل عينيه عندها هاز حاجبو وحرك راسو ببطئ
يوسف: بسبابك!! ودابا غاتسكتي تخلينا ندوزو هاد نص ساعة هانيين ولا ندير بناقص ورجعك
هزات يديها بتردد كدفعو من صدرو مغووبشة وهو قاريها ومخليها على خاطرها
مريم: واابعد راه غانغوت ونجمع عليك عباد الله بعد مني راك بديتي تععصبني
ضغط على الزر دالمصعد ودخل جارها قدامو وهي تنترات مبعدة منو كتسوس البلاصة فين كان شادها
مريم(بهمس): لمريييض لااخر
سمعها وميل راسو مخنزر فيها بحدة..
يوسف: راني ماشي صمك يمكن
هزات كتافها مصطانعة اللامبالاة وربعات يديها قدامها بحال شي طفلة صغيرة كتعوج فشفايفها
مريم: ماسولتكش..!
ضحك بصدمة مخرج فيها عينيه ونزل راسو كيسرط فالقمعة.. عارفها كتبرد على راسها وماباغيش يزيد عليها.. وقف فالجنب مبعد عليها حتى تحل الباب وغير شافها غاتخرج سابقاه جرها عندو من دراعها ملوي يديه عليها وخاشيها فيه ..
مريم شدات فيديه خاشية فيه ضفارها كتبرد الققصة وسكتات غادة معاه جهة الريسطو لي لتحت جايا قدام نفس الإطلالة لي كانو كيطلو عليها من البيت ..
أنت تقرأ
🧡🍂 الــميــثـاق الـجـديـد 🍂🧡
Aksi🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
