🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 22 _____:
رجعات خطوة لور هازة صبعها قدامو بتحدير
مريم: وايااك تفكر تحط عليا يدك نتا هاد المرة حيت غاتشوف مريم خرا..! (خنزرات فيه بحدة) صافي باركة ضسرتي صافي جمع راسك كنت حاسباك عليا راجلك دابا راك وليتي مامحسوبش اصلا
ضربها بصبعو لراسها ضربات متتالية عاض على سنانو مغزف
يوسف: إوا ملي ماحاسبانيش عطينيي التيييساع أززبل.. تييساااع تفرقيي عليا
ضربات ليه يديه ورجعات بلور هاربة منو مور الفوطوي كتخبى بيه
مريم: نفكرك بلي نتا لي جيتي عندي جايبني من دار با الشماتة كون كنتي راجل كون واجهتيي باك
غمض عينيه كيزفر النفس بقوة ويدو كترعش بعنف من كمية العصبية لي سرات فجسمو بحال السم كيشعل كل خلية فيه باش ينفاجر فيها وقبل ماتكمل كلامها تضرب الفاز قريب منها مع الحيط وتشتت حدا رجليها سرطات الريق بخوف وتقنتات فالقنت محاولة تبعد من الزاج وعينيها عليه بصدمة كتحاول تستوعب بلي فثانية كان ممكن داك لفاز تكون نهايتو على راسها وتكون هي دابا فعداد المو•تى.. رمشات فيه عينيها فعينيه.. وبجوجهم كيشوفو فبعض مصدومين.. هو مصدوم فراسو ومن كمية الغضب والضغط لي وصل ليه وفيه كان ممكن يوصلو فأنه يولي قتا•ل بحالو بحال باه.. غير كل واحد وطريقتو..
رجع خطوة لور كيضور فعينيه على أنحاء الدار بصدمة.. وصوت أنين إحتضارها جا بين ودنيه كيتردد بزاف وهي كتوصيه على راسو.. عينيه دمعو ودقات قلبو ولاو قوا من قبل كأنو فسباق.. كينهج مزير على يديه حتى برزو عروقها وتزير على صدرو البودي.. شد على ودنيه بيديه بجوج وبدا راجع بلور كيحرك فراسو بالسلب وشفايفو كيتحرك بتمتمة خافتة أو بالأحرى بدون صوت
يوسف(بضعف): لا انا ماشي بحالو.. و مستحيل نكون بحالو.. انا ماقتالش انا مابحالوش
ضور عينيه الجهة فين واقفة باقا كترعد بالخوف وزاد مقرب عندها وهي كترجع بلور خايفة.. مد ليها يديه وحرك راسو بالسلب كيرمش فيها بعينيه لامعين بسائل شفاف
أنت تقرأ
🧡🍂 الــميــثـاق الـجـديـد 🍂🧡
Acción🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
