🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 11 _____:
دخل لدار كيتمختر نافخ ريشة و جلس فالصالة فارد يدو فوق المخاد و عينيه كايتساراو على الدار هاز حاجبو بنضراتو الصقرية كيتفحص المكان بينما يوسف سد الباب و دار يدو فجيابو داخل كيتمشى لجيهتو بخطوات بطيئة وزاد جلس قدامو هاز حاجبو بنضرة باردة مغطي وراها ارتباكو ونطق بهدوء
يوسف : مريم خرجات و دات البنت معاها ماكاينينش فدار
هز مصطفى عينيه معاه متبع مع حركاتو و لي من يوم عقل عليهم و هوما تايستفزووه و كلهم كيبينو عدم احترامو و تقديرو ليه كأب.. جبد من جيبو سيجارتو من علبتها الجديدة و شعلها تايستنشق هواها عاد نتر منها نافخ الدخان لفوق عاد رجع شاف فيه مصغر فيه عينيه
مصطفى : ماشي نتا لي جريتي عليها ؟
عوج شفايفو بابتسامة خفيفة وحرك راسو بالسلب ناكر هضرتو
يوسف (ببرود) : لا ماجريت على حد
هز حاجبو كيرمش فيه وحرك راسو بهدوء
مصطفى(باستفسار): و مارميتيش عليها الطلاق..؟
غزز سنانو مغدد عليه فاش ستوعب بلي الهضرة وصلاتو.. زفر النفس بالجهد وتقاد فالجلسة متكي كيحرك راسو مأييد كلامو
يوسف كرز : سيي!! (ببرود) رميتو عليها
نتز من الكارو وشاف فيه
مصطفى: إوا ردها
حرك راسو بالسلب وزاد تفطح فجلستو
يوسف: لا مامرجعهاش و إذا بقات فيك جيبها و سكنها معاك
عض على الكارو كيبخ الدخان من نيفو وملامحو مكمشين واضح عليه شحال راه منرفز من كمية برودو وحرك راسو بهدوء مسايرو
مصطفى: إذا بدا من دابا تجمع حوايجك وتقلب على خدمة وفين تسكن حيت بنت صاحبي وحفيدتي غنجيبهم يسكنو هنا (ضغط على سنانو بحدة كيزير على الحروف) فدااري
تهز دافع الطبلة برجلو وقرب جالس على طرف السداري مخنزر فيه بحدة
يوسف (بإنفعال) : كيفاش هادي عااوتااني؟؟ اشمن دار لي دياالك؟ الخدمة كولها كانت عليا و الفلوس كلهم ديالي!! لا باش تشرات و لا باش تفرشات كللشيي دياالي برززقي ماغاديش تجي دابا و تخويني منها باش تعطيها لوحدة ماعرفت منين جايا و جايبا ليا بنت من زنقة ملسقاها فيا
تبسم بطرف شفاهو فاش بان ليه بدا كيتعصب وقرب من الطبلة طفا الكارو فالطفاية عاد هز فيه راسو بنضرة حادة غير قابلة للنقاش
مصطفى: البنت بنتك والا كان شي واحد من الزنقة فراه هو نتا اقليل الترابي والطلاق الا بغينيه طلق وخرج ليا من رزقي
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
