🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 16_____:
دخل لدار مخلي لباب موراه محلول وهي تابعاه سداتو ودخلات لقاتو ترما فوق لفوطوي هاز راسو لسقف كيتنهد تنهيدات حارة متتالية ميقات فيه وزادت جلسات قدامو حاطة بنتها على رجليها كتطبطب عليها باش ماتفيقش وكتسناه يهضر..
حتى عصبها عاد نطقات بصوت مرتفع بعد نفاد صبرها
مريم: غاتبقى ساكت؟ نطق خلاص قول شنو كاين
تنهد تنهيدة عالية و تقاد فجلستو حاط يديه على ركابيه كيشوف فيها بجدية
يوسف: غانسولك وغاتجاوبيني بلا كدوب امريم
رمشات فيه بإستغراب مطولا حتى بان ليها غايبدا يتعصب وحركات راسها بسرعة بالايجاب..
يوسف(باستفسار): حتا نتي باغا طلاق ياك..!؟
وسعات عينيها بصدمة من سؤالو لي خربق موازينها وحطم احتمالاتها.. شافتو كيتسنى فجوابها والواضح أنه ماغايزيد ماغاينقص من شنو هو باغي حيت عارفة مزيان الشخص لي قدامها وشنو كيسوى..
حنحنات باحراج وتقادات فالجلسة هازة فيه حجبانها بنضرة غريبة محاولة تطاول فالحوار باش تعرف مبتاغاه
مريم: علاش كتسولني دابا ؟ بحالا رأيي مهم وسطكم نتا راك كطلق وقتما بغيتي وترجع وقتما بغيتي
قطب حجبانو مخنزر و نطق بحدة مقاطعها
يوسف: اه لا بلا فهامات!!
مريم هربات عينيها منو متوترة وخرجات من بين شفاها تنهيدة من اعماق قلبها ونطقات بصوت خافت مصطانعة البرود رغم غليان قلبها
مريم: اه تانا بغيتو حيت نتا انسان مامعاك عيشة (سالت دمعة من عينيها وماكلفاتش نفسها تمسحها) و لكن بنتي!! اش دنبها من هادشي كامل
حرك راسو بهدوء حيت سمع الجواب لي بغا وماهاموش الباقي
يوسف: إذا طلبي الطلاق
هزات حجبانها كترمش فيه بصدمة من نوع آخر حيدات بنتها من حضنها وشافت كضحك بالفقصة مغددة
مريم: بغيتي نطلب طلاق ؟ ههههه نتا مسطي ولا شنو؟ نطلب طلاق باش تاكلني فحقي و حق بنتي بعد كاع هاد العداب لي شفناه معاك يالشمااتة..!
تنهد بالجهد وتكا على الفوطوي كيحرك راسو بالسلب مخنزر بعصبية من طريقة هضرتها لي كيحاول يتجاهلها باش مايتعصبش عليها ويخسر مخططو
يوسف: غاتاخدي لي عجبك غا غبري عليا كمارتك مزيانة هادي ؟
هزات حجبانها كترمش فيه بهدوء وتكات على الفوطوي كتشوف فيه بنص عين
مريم: وشنو هوما هاد الحقوق بعدا ؟
أنت تقرأ
🧡🍂 الــميــثـاق الـجـديـد 🍂🧡
Acción🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
