🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 30 _____:
قرب منها مبتاسم وحط يديه على كتافها كيطبطب على كتافها محني براسو عندها رامقها بنضرات أب عطوف
مصطفى: ورا الطلاق ماغاتضطريش تصبري على شي حاجة سيري بحالك المحمدية تما وعيشي حياتك لي وقفات من نهار دخلتي فهاد الزواج
بعدات عليه موسعة عينيها كترمش بعدم استعاب من شنو سمعات منو.. مصطفى خلاها على خاطرها وزاد جلس حدا روز كيدوز صبعو على خدها مبتاسم ومرة مرة كيهز عينيه جهتها.. كتمشي وتجي قدامو وهضرتو كتعاود فراسها مصعوقة..
تقاد فجلستو متكي وشاف فيها كيطبطب على المكان لي جنبو
مصطفى: دوزي تجلسي وفكري هاكا غير غادوخي ودوخيني معاك ابنتي
حبسات الحراك كتشوف وحركات راسها بالايجاب.. لبات ليه طلبو وجلسات حداه كتڤيبري برجليها واتبلع فريقها كتفكر فأوراق حياتها لي كل مابانو ليها بداو يتنظمو كيرجعو يتخربقو من جديد.. تنهد مصطفى ونزل راسو كيشوف فروز مشتت تفكيرو عليها وعلى الندم لي كينهش فروحو من الحالة لي وصلات ليها.. هو ساهي كيفكر فيها وهي ساهية كتفكر فهاد الحياة لي ولات عايشاها بحال شي دمية كتلعب بيها.. مرة حيدات ليها باها لي كان بمثابة ضهر حاميها من مصايب الدنيا وفور ما غادرها طاحو عليها وحدة مورا الثانية.. ولكن عطاتها زوج لي ضنات فالاول أنه غايكون كتف تكا عليه وكان ليها خنجر كل ما تكات كيتغرس فيها ويخلي جرحها غادي وكيغرق والنزيف مستمر..
و بعد مدة طويلة تكسر الصمت من طرفها وهي باقا تحت تاثير الصدمة لي خدات منها جهد كبير باش تستوعب
مريم: هو كان عارف ماما غاتبغي تهنى مني!!
ضور راسو عندها مضيق عينيه مافاهمش شنو قالت بحكم أنها نطقات بصوت خافت
مصطفى: نعام ابنتي!.. قلتي شي حاجة؟
حركات راسها بالايجاب ساهية قدامها كترمش وباقا فطور الاستعاب
مريم: بابا كان عارف ماما غاتبغي تحيدني من طريقها داكشي باش حيدني هو وقاد ليا طريق اخرى (هزات عينيها فيه وبان ليها متبع معاها بتركيز ونطقات باستفسار) ولكن علاش لي من الأول ماقليتهاش ليا؟ علاش لي عاد دابا؟
تنهد بخفوت كيزير على يديه ونزل راسو هارب من اللوم لي كيشوفو فعينيها
مصطفى: وصية باك كانت هاكا كان باغيك تزوجي وديري دارك وكون من الأول عرفتي بشنو خلا ليك كنتي غاتخليه ليها حتى هو
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
