🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 51 _____:
بقا كيرمش فيها وعاد بدا يوعى بشنو وقع فدوك الثواني.. نزل عينيه جهة الكرسي لي شاد فيه وبلا مايحس فلتات ليه ضحكة صدمة خفيفة حرك راسو بلا حول و جلس فداك الكرسي لي كان جنبها مباشرة وزاد هو كحز لعندها بالكرسي ويديه الثانية كيخربق بيها فشعرو ويضحك.. ضحكة ثقيييلة كتسمع منها بحةة رجولية خااصة! خلاتها تسهى فيه لثواني.. ودغيا وعات بلي انقلب السحر على الساحر وجمعات راسها مخنزرة فيه وقلبات وجها كتشوف فيه بنص عين حتى عصبها بضحكتو وضارت عندو
مريم(بغضب مكتوم): بانت ليك شي حاجة كضحك؟
كان منزل راسو غير سمعها هزو كيحركو بالسلب وبلا مايكلف نفسو و يحبس ضحكتو لي بقات باينة غير على عينيه وطراف شفاهو لي مهزوزين شوية
يوسف : لا لا الله اودي (ضور وجهو كقلب على النادل باش مايزيدش ينرفزها و رجع شاف فيها مبدل الموضوع) شنو مشهية بعدا
مريم غير شافت نضرو عندها قلبات عينيها كضورهم على الارجاء مصطانعة عدم الاهتمام وميلات شفايفها كتحرك راسها بالسلب ونطقات بغير نفس..
مريم: كول غير نتا ونوض وصلني عند بنتي
وقف عليهم النادل بلباسو الأنيق كيليق بداك المكان الفخم الهادئ.. كان مكان شاعري بالنسبة لأي كوبل باش يدوزو عشاء رومانسي.. فجو عامر غزل ونقاشات حب حميمة يختموها فأحد الغرف فأحضان بعض.. شاربين الدنيا بهمومها عرض الحائط.. إلا فحالتهم هوما كانو غير! ماشي بحال أي كوبل كيتواجد تما.. يوسف بين الحيرة والضرورة ومريم بين الحتمية والشجاعة وبجوجهم عنادهم كيزيد يتماطل فوقهم مغرقهم فالغلط !!
يوسف هز راسو ناحية النادل شكرو بعدما حط ليهم الموني وهاد الاخير حنا ليه راسو بلباقة وانصارف مباشرة مخليهم على راحتهم..
رجع يوسف شاف فيها دفع ليها ديالها و هز ديالو كيقرا متجاهل الهضرة لي قالت قبل مايوقف النادل وتنهد وهو كيقرا فأحد الأطباق لي تما ولي عارفها كتموت عليهم من أيام وحمها لي كانت كتعيط فيه بليل على ماماها توجد ليها شي حاجة تشهاتها وتجيبها ليها الغد ليه ولا طلب الماكلة فعز ليل .. نفض دوك الدكرايات لي فجأة نهامرو عليه مفكرينو فأدق تفاصيلها لي ماكانش عارف كاع واش راه رد ليهم البال بديك الدقة !
يوسف: عندهم هنا لحوت زوين (هز فيه عينيه بنضرة ماكرة وضحيكة خفيفة مرسومة على خدو الأيمن وسط لحيتو غمازة خفييفة زادتو تميز) ولكن ماتاكليهش دابا ليل هدا
أنت تقرأ
🧡🍂 الــميــثـاق الـجـديـد 🍂🧡
Acción🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
