🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 72 _____:
مشات مريم جلسات قدام وفاء فالصالة دايرا رجل فوق رجل و حاطة جنبها روز عاطياها يديها كتلعب معاها ورادة ليها لبال وشافت عند وفاء لي كتشوف فيها ببرود مزال ماصرطاتش هضرتها كتحاول تبتاسم فوق خاطرها
تنهدات مريم بضيق وتقادات فجلستها كتشوف فيها بجدية
مريم: قبل مانهضرو على علاش جيتي بغيت نقولك سمحي ليا غلطت فيك قبيلة غير مكنتش عارفة ... ولكن راه اي وحدة فبلاصتي فوقت طلاقها تفيق تلقا مرا فدارها كتحتت مع الراجل لي قريب فاطلق منو غادي تفكر هكاك
وفاء هزات فيها حاجبها ورجعات نزلاتو مفضلة تبرد وماتعقدش الامور وتحافظ على برودها باش متخلقش شي مشكل معاها على صباح على وجه يوسف ... تنهدات و حركات راسها بهدوء وتبسمات ليها
وفاء: نساو شنو وقع الصباح (وقفات وقربات عندها مادة ليها يديها) انا وفاء محاميتك ولي غاتوقف معاك تانغرقو داك المتوحد ديال ولد عمي مصطفى
ضحكات مريم على نعتها ليه ووقفات كتسلم عليها حتى سمعو صوتو من بعيد منزل لي فاليز ديال مريم من لفوق
يوسف: سمعتك اديك العافية الغدارة غا هي ديري فبالك لا غرقتيني غاتلقاي راسك فالزنقة لا خدمة لاردمة وديك ساعة قلبي علامن تبكي
عنقاتها مريم بالجنب وشافت عند يوسف هازة فيه حواجبها
مريم: ماتخافيش انا نهضر ليك مع عمي مايجريش عليك يقدر يجري عليه هو لول نيت
ضحك يوسف كيحرك راسو يمين وشمال مضيق فيهم عينيه ...
يوسف: لاقيت السلوكة دابا غير الله يستر مع الله يحفظ وصافي
شافت وفاء عند الفاليزات لي حطهم يوسف حدا الباب وشير ليهم كيتبسم وخرج ...
وفاء(بفضول): غاتمشي اليوم؟
حركات ليها مريم راسها بالايجاب كتنهد بضيق رغم كلشي حاسة بقلبها مزير من هاد الخطوة خاصة أنها ماعلماتش السعدية بشنو طاري غير غادة على الله
وفاء(باهتمام): مريم ... (شافت فيها مريم بمعنى شنو وهي كملات بنرة فيها نوع من القلق ) واقعة شي حاجة ؟ مالك سهيتي كنت كنهضر معاك
مريم: لا والو والو غير نساي
تبسمات وفاء من الفكرة لي طاحت فبالها وشافت عند مريم معوجة شفتيها
وفاء : شنو بان ليك طلعي تبدلي حوايجك ونخرجو ندوزو هاد النهار بجوج ديجا عندي خاوي منها نهضرو على موضوع طلاقك ومنها تبدلي الجو ونتعرفو مزيان باش نصلحو لقائنا الاول والثاني لي ماكانوش هوما هادوك (غمزاتها كضحك) هاا؟ شنو بان ليك..
أنت تقرأ
🧡🍂 الــميــثـاق الـجـديـد 🍂🧡
Aksiyon🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
