🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 50 _____:
بخطوات الموزونة تقدم سابقها ببضع خطوات... حط يديه على الكرسي و جرو ليها بلباقة.. وفنفس اللحظة رخا منها هاز يدو الثانية كيشير ليها بيها باش تجلس وعلى شفايفو مرسومة ابتسامة جانبية.. استفزااتها ! عينيه فعينيها بنضرة خاصة.. تلفاتها خاصة مع داك القرب لي بيناتهم.. يوسف ماخالهاش تزيد تغوص فنضرة عينو وتخوض حر.ب التفكير فمعانيها ودغيا قطع تفكيرها بغمزة خفيفة حركات أمور أخرى فيها باطنيا.. عينيها رعشو كترمش بيهم هنا ولهيه!! ورجعات بلور خطوة كتبلع فريقها محاولة تبث راسها وتتحكم فتوثرها حتى سمعاتو نطق بنبرتو الهادئة وهو كيشوف فيها بديك الضحكة الجانبية مراقب تقلباتها وردات فعلها الغريبة..
يوسف: تفضلي..
على صوتو وديك وبديك النبرة الهادئة لي كتحسها كتزحف مع أنفاسو على بشرة خدها خاصة بعدما هي بعدات وهو تحنى براسو عندها وولا وجهو قريب لوجها الشي لي مخلي كاع انفاسو ضرب فخدها.. مبورشها كلها!
مع ذلك ظبطات مشاعرها حداه معوجة شفايفها لجنب وزادت قربات منو حتى لامسات بنيفها طرف نيفو وعينيها فعينيه.. عارفاه باغي يستفزها.. باغي يدير شي حاجة عارف بلي غايندمو عليها بجوج.. خاصة أنه فات الفوت على أي حركة من حركاتو هادو.. وبحركة سريعة كانت جرات الكرسي لي فجنبو الثاني وجلسات كترجع فشعرها لور.. وخلاتو مغمض عينيه وريحة الشامبو باش كتغسل شعرها لاسقة فنيفو.. ريحة خفيييفة دالتوت والورد.. كيحسها أقرب ريحة من روحها ونقائها ومماثلة ليها تماما.. كان ديما كيشمها فيها ولكن عمرو تمعن فيها وفتفاصيلها حتى ليوم.. بلاما يحس لقا راسو حافظهم!!
بمجرد مابدات كتقل ديك الريحة حل عينيه وبدأ كيستقم فالوقفة خاصة بعدما انتابه ليها ماواقفاش قدامو.. نزل عينيه جهة الطبلة وكتبان ليه جالسة فكرسي غير لي شاد فيه .. وقرن حواجبو كيفكر امتى هادي جلسات!؟ ماعارفش شحال وهو مخدر بريحتها حتى ماسمعش جرة الكرسي ديالها.. مافهم والو فراسو وكيفاش تخربق ولقا راسو فثانية غايبدا يتعصب غير بينو وبين راسو..
مريم هزات عينيها ناحيتو فاش دام الصمت مدة طويلة من طرفو .. تبسمات فاش بان ليها هكاك مخنزر وأشارت ليه بيديها ناحية الكرسي لي قدامها حابسة الضحكة
مريم: تفضل ماغاديش نعرض عليك ونتا لي جايبني لهنا ! (ميلات راسها معاه فاش ماجاوبهاش ومادار حتى رد فعل وهزات حواجبها بتسائل.. طانزة عليه) ياكما مابقاتش عاجباك البلاصة نبدلوها؟
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
