🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 31 _____:
حركات راسها بالسلب بسرعة ماباغاش تقبل الفكرة وعينيها عليه قاطبة حواجبها بحدة
مريم: ماما ماغاديش تبغي ليا الشر انا بصح عاطياها وكالة تكلف بالخدمة هي حيت من قبل كانت مكلفة بيها هي وبابا اما انا ماعارفة عليها والو بينما هادشي لي كتقول رزقي ديالي بوحدي وخدام فيه ولد عمي كنت غانتفاهم بيني وبين ولد عمي هي مادخلها فوالو
بلع الريق بقوة وحرك راسو بهدوء ماحاملش يزيد يطول فالنقاش
مصطفى: على أي كيفما كان الحال آخر حاجة فوصية الحاج غاتحقق بعدما طلقتي وأجي تاخدي وراقك وكلشي
ميلات راسها ببطئ كيترمش فيه وزمات على شفايفها حابسة الضحكة الخافتة لي كتفلت ليها مستهزئة بالوضع والصدمة لاعبة عليها
مريم: متاكد آخر من حاجة فوصية بابا هي هادي؟!
هز عينيه فيها كيتنهد وحرك راسو بالإيجاب
مصطفى: كان باغي يضمن ليك مستقبلك حتى وإذا ماكتابش ليك فالزواج
علات حاجبها الايمن بنضرة غريبة فيها نوع من الحدة والعصبية مخلطين
مريم: حتى إذا ماكتابش ليا فالزواج؟؟
ضرب رجلو مع الطبلة ووقف كيدوز يديه على خصلات شعرو الرمادية تالف ورجع ضار كيهضر منرفز وواضح عليه الارتباك
مصطفى: الا ماكتابش فالزواج يعني دابا هانتوما كطلقو مامكاتبينش نكملو مع بعضياتكم
مريم تنهدات كتبرد وتكات متبعة معاه بنضرة مستهزئة طالما الأمر تحتم عليها ومافيديها غير تحرك راسها بالايجاب وتنهد على حالها وضياع وقتها فزواج فاشل نهك صحتها ونفسيتها..
تنهد كيشوف فملامحها لي شاردين واضح أنها دخلات فدوامة تفكير متأكد غاتخرج منها خاسرة وماكانش عندو القوة باش يحبسها... فضل يخلي ليها وقت تستوعب ونيت ياخد وقت يكمي فيه باش يقدر يرتب افكارو لي ترونو مع هاد الخبر لي كان فاجعة عليه.. لدرجة أنه اضطر يبوح بفاجعة اخرى كتشمل حقائق اخرى عمرو ظن انه غايبوح بيهم شي نهار..
عطاها بالظهر خارج لتيراس كيجبد فالبواط المخملية دالكارو هز واحد عاصرو بين سنانو وجبد البريكة شعلو ونزل راسو كينتر منو ويصوط الدخان من نيفو.. حاس بالخنقة من اللحظة لي تدكر فيها الموضوع كيخص وصية صاحبو المخدوش منها.. نفس الاحساس بالذنب والندم كيخنقو ويحرم نعاسو وراحتو.. نفس التأنيب كل ماتفكر نظرة الخوف لي كان كيشوف فعينيه على بنتو.. وصيتو لخرة والدموع لي نزل وهو كيقولها وكيلفظ آخر أنفاسو..
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
