🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 56 _____:
دقائق طوييلة دوزهم يوسف بنفس الجلسة.. عينيه مغمضين وعقلو مرفوع كيتكالما بداك الهدوء والسكينة لي ضايرين بيه.. وحتى صوت البحر والمواج لي كيضربو فالصخر بعاد رييحو شوية.. قدر يفكر بعقلو ولو أنه ماوصلش لجواب سؤالها إلا أنه فكر فأمور أخرى.. مثلا كنهايتهم المكتوبة من يوم بدايتهم..
طول فديك الجلسة مايقارب لساعة وهو غير كيقنع فراسو بلي كلشي كيديرو غير حيت بقات فييه وماشي شي حاجة اخرى!! ويبني ويهدم فأفكارو لي بحال الصخر ثقااال علييه وعلى كتافو..
ماتواكض إلا على الريح القوي لي تحرك فالمكان مفيقو من ديك السهوة لي خطفاتو وقف كيقاد سروالو ويرمش بعينيه لي غير تلاقاو مع الضو والريح القوي حس بيهم دمعو.. رمش كارد ديك الغيمة من عينو وكيشمر بنيفو محاول يغطيبول ملامحو و أثار مورالو نازل لنحت الصفر بتخنزيرة خفيفة معكوسة فقرنة حواجبو..
مريم لداخل كانت كملات عشاها وطلبات كلاص جالسة كتاكل منو ببرود فانتضار رجوعو.. منزلة راسها على الطبلة كتبنن بمداق الحامض لي كتموت عليه فالكلاص.. حتى كتسمع صوت الجرة دالكرسي ومن ريحتو قدرات تعرف بلي غير هو لي جلس قدامها.. سرطات الدغمة بهدوء وهزات فيه عينيها فقط كترمش فحالتو بإستغراب.. وبقلييل من القلق لي بان فرعشة بؤبؤها لثواني قصاار!!
يوسف غير جلس فمكانو رجع ضهرو لور كيخربق فشعرو وغمض عينيه هارب نظراتها ليه.. بينما هي وتقادات فالجلسة كدوز لسانها على شفايفها لي عمرو بالكريمة البيضة وعينيها عليه مستغربة حالتو الجديدة وكيفاش تقلب فثانية عاوتاني. وطفا !
حنحنات بارتباك واخدة انتباهو بدون مايتلفت عندها ونطقات باستفسار..
مريم: كاين شي مشكل؟
يوسف حرك راسو بالسلب بحركة تقيلة حاس بداتو منملة عليه و لخاطر يدير شي حاجة ولا يهضر مابقاش ليه..
يوسف: لا
عوجات شفايفها لجنب كتحرك راسها بهدوء ناوية ماتسوقش ورجعات كتاكل عايشة جوها الخاص مع داك الطعم لي اشتاقتو واشتاقت حريتها معاه..
ماريا: تعشى باش نمشيو باقا تابعانا الطريق
صدرو تنفخ وتفش بتنهييدة حارة خارجة بين شفاهو وعينيه عليها كيتفحصو داك الحاجز لي بنات بينها وبينو مخبية فيه ضعفها وكتمتل برودة الدم باش تنرفزو.. وفنظرو هو أنها تمكنات حيت هو بصح تعصب وتلف قدامها..
حرك راسو بالسلب ببطئ وجبد تليفونو ناوي يتلاها فيه بينما كملات ..
يوسف(بنبرة جافة): غير كولي نتي باش نوصلك عند بنتك
أنت تقرأ
🧡🍂 الــميــثـاق الـجـديـد 🍂🧡
Acción🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
