🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 77 _____:
تنهدات وفاء على حالها لي كل ماكتحاول تقادو من بلاصة كيعواج ليها من الثانية..
وفاء: ماعرفتش شنو غانقوليك حيت صعيب هادشي لي كدوزي منو ولكن نقدر نعاونك على الأقل هاد الفترة لي غادوزيها هنا بينما تطلقتي وتقادو أمورك دوزيها معايا.. (جات تقاطعها وحبساتها بسرعة) ششش سمعيني بعدا انا ساكنة بوحدي داري غير هنا فالمدينة على قدي قريبة لكلشي حيت دار الواليد الله يرحمو بعيدة شوية جات فالخرجة دالمدينة كنمشي ليها فاش كنبغي نرتاح مع راسي ونفكر ولكن لا بغيتي نمشيو ليها نمشيو أصلا هاد الايام الخدمة عندي مرخوفة شهوتي كونجي نرتاح فيه نطلعو تما ندوزو شي يوماين بينما خرج عمي مصطفى وتكوني خديتي ورقة حريتك وديك الساع أنا نمشي معاك للمحمدية كيما نتي بقيتي معايا و ونستيني
مريم لوات شفتها ماعارفاش باش تجاوبها خاصة وأنها كتشوفها كيفاش كدرس الفكرة وتحطها ليها كتسنى غير موافقتها.. قاطع سهوتها من ثاني صوت وفاء
وفاء: خلي ندوزو اليوم ديالنا مزيون تالليل وردي عليا
حركات مربم راسها بهدوء وجرات كاسها كتشرب منو وعينيها على البحر..
مريم: ماتقوليليش غاندوزو نهارنا غير هنا؟
وفاء(بتفكير): لا ضروري نتحركو.. شنو بان ليك نمشيو نديرو شوبينغ؟ (مريم عبسات فيها) هففف شنو كايعجبك الشوبينغ حنا البنات كنمووتو عليه
مريم: اختي نموت عليه تاماتكونش معايا روز دابا غير غانعدبها معايا
ميلات وفاء شفايفها لجنب كتحرك راسها بالايجاب موافقاها الرأي
وفاء: فين كانت نهار كنتي فالطبيب مع عمي.. خليتيها مع ماماك ؟ تبغي تشدها ليك
حركات مربم راسها بأه مسايراها بالهداوة وفنفس الوقت واخدة على جوها حيت محتاجة تفوح وبانت ليها وفاء إنسانة نشوطية وباغا تعيش وضحك.
وفاء: اوا نحطوها عند ماماك منها ترتاح ومنها نتوالاك نتي راه هاد الوجه لي خارجة بيه صفر ماعحبنيش خاصك برودويات جداد تهلاي فديك البشرة وخاصك تبدلي المورال بحوايج جداد وترتاحي بشي حمام من داكشي
مريم(نطقات وهي كضحك): ناري بحالا صارطة شي كاسيطة اصاحبتي تهدني ونتي لي كيطلقوك ماكيعاودوش يشدوك
خنزرات فيها وفاء ووقفات كتجرها من يديها مزروبة .. خلصو وخرجو وصلاتها لدارهم حطات روز عند السعدية بلاما تعطيها تفاصيل على السبب ونزلات عند وفاء لي كسيرات بيها نيشان لموروكو-مول دوزو بقية يومهم كاملين فيه تحت عبارات التدمر والتحطم من طرف مريم وعبارات اخرى حماسية ببعض من الفكاهة من طرف وفاء لي ملطفة الجو ومنسياها فكلشي..
أنت تقرأ
🧡🍂 الــميــثـاق الـجـديـد 🍂🧡
Acción🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
