🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 82 _____:
ـــــــــ بعد مرور 5 سنوات ــــــــــــــــ
داخل قاعة واسعة ... غالبة عليها الالوان بين درجات الاسود والرمادي الغامق حدا المنصة ... كانت عامرة كراسي أغلبها جالسين عليهم الناس القدام على جوانب المنصة لي كانت كطبقة من الزجاج طالع منها ضوء أبيض ... كيتمشاو عليها العارضات بكل رقة ... مختارين بعناية باش يعرضو اغلى وأفخم التصاميم ...
الكل كان كينتاظر ديك الليلة باش يرجعو يتبهرو بمدى اتقان وتفنن ديك المصممة لي تشهرات و بالصدفة ... بين ليلة وضحاها اصبحت من بين اشهر المصممات ... كان عالم السوشل ميديا كورقة الجوكر بالنسبة ليها واستعملاتو احسن استعمال ...
اليوم بعد كاع العروض لي تقدمو كانت كتمشى وسط ديك المنصة وسط تصفيقات الجميع ليها ... الاضواء بداو كيتوزعو على الحضور بعشوائية حتى استقرو بلون خافتة شيئا ما ...
كانت شكل ولون ثاني ... صفاء وجهها وكأنو تخلق باش يتحطو عليه اغلى المنتجات ويبرزو جمال ملامحها العربية اكثر ... ونعومة شعرها لمعانو وكأنو كيتحدى ليل بنجومو ... كانت كتمايل بخصرها رافعة راسها رفعة محارب فائز ... مفتاخرة بذاتها وكل ما دوزاتو ... بكامل اناقتها بغوب من تصميمها باللون الاسود لعاكس لجوهرها المطفئ ... مفتوحة الكسوة من الكتاف كاشفاهم ونازلة حتى اللكعب مع فتحة فالرجل اليسرى كل مازادت بيها خطوة كيبان كعبها الاسود العالي كيطقطق بكل ثقة على ارضية المنصة ...
وقفات فالنص راسمة على شفايفها ابتسامة زائفة كيما تعودات طول هاد السنين وركزات بنظراتها على زوج اشخاص لي قدامها مشابكين اصابعهم اشارت ليهم بيديها مع ابتسامة صغيرة ورجعات كتحول عينيها بين الجميع ...
وبعد ما حبسو صوت التصفيقات طلعات يديها بكل رقة مشابكاهم عند خصرها ... واستئنفت كلماتها بلكنة بريطانية متقنة النطق بكل هدوء ورقة وبمساعدة الميكرو لي معلق فطوق الغوب كان صوتها واصل لمسامع الجميع ...
مريم: صممو من القلب وبكل حب! لݣاع لي آمنو بيا و برؤيتي لي كنعكسها فتصاميمي ... كل كلمات الشكر والتقدير قليلة فحقكم على ايمانكم بيا ... رغم ذلك كنشكركم حيت جيتو تشاركوني فرحة هاد اليوم وكنشكر حتى الناس لي ماقدروش يكونو معايا وكانو من جنود الخفاء مسانديني ... (ركزات بنظراتها عند نفس الاشخاص لي اشارت ليهم فالاول وضحكات) كنشكر الناس لي كانو عائلتي وسندي وكلشي فحياتي (حطات يديها على قلبها وهزات عينيها الفوق فور ماحسات بالدموع ورجعات كتجول بنظراتها فالقاعة بسرعة) كنشكر طاقم العمل لي سهرو معايا و عاونوني بزااف فالشي لي وصلت ليه دابا ...
سكتات كتمرر نظراتها بين الحشود كتقلب عليه بينهم وقلبها كيضرب خوفا من عدم حضورو ... حتى لمحات من احد الصفوف البعيدة يد شخص تعلات وتبسمات ليه بصدق!!
مريم: وشكرا حتى للشخص لي كان معايا فالحلوة والمرة وثاق فشنو كندير! وزاد حببني فموهبتي لي تناسيت عليها وقت طويييل كنبغي نقوليك شكرا على وقفتك معايا لي عمري نساها ...
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
