🧡🍂 الــميــثـاق الـجـديـد 🍂🧡

بارت 5

🌸الميثاق_الجديد 🌸
        🍂  حـب بـعـد الانـفـصـال🍂
         🪔•وَ مِنْ رَمَٰادِ اُٰلْمَاضِي.....
                إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔

       ____part 5 _____:

صوت صدى آخر كملة قالت بقا كيتردد فودنو لأكتر من ثلاث مرات وهو هاز حاجبو كيشوف فيها بنضرة يااك!.. وفغفلة منها مد يديه الضخمة على شعرها و بلا تردد جرها منو موراه منرفز غادي بيها جهة الباب
يوسف: إواا يالاه قو//دي عليا نعاود نلقاك باقا كاضوري بهاد لقنات غانسيفطك اصلك نيشان لقبر

شدات فيديه محاولة تفك راسها من قبضة يديه ونطقات بصوت عالي مقاطعااه بعصبية
مريم: طلق منيي ططلق الحيوان نهز بنتي وغانمشي مامعشوقاش فالجلسة مع واحد بحالك

نترها من يديه عايف منها و رجع بلور دفل حدا رجليه و شاف فيها مكمش ملامحو بقرف
يوسف: هزي بنتك و دردبي من قدامي تفووو على كمارة دلويل

هزات عينيها فيه بنضرة أخيرة كتأكد من أن كاع هادشي لي وقع حقيقة ماشي خيال وبلي صافي نهاية هاد المهزلة وأخييراا سالات كيفما كانت كتمنى ولو ماشي بالطريقة لي كتمنى!.. على الاقل سالات..

غمضات عينيها كتفكر فعلاش هي حاسة بقلبها كيضرها دابا!!.. ياك من الأول كانت كتمنى النهار لي يحررها من هاد العيشة.. من اليوم الأول لي شافتو فيه وهي كتسنى الوقت لي تفصل سميتها على سميتو.. شنو لي تغير دابا؟ شنو لي خلا قلبها يضرب بهاد الوتيرة؟.. شنو لي خلا دموعها يتمردو هاربين من عينيها رغم انها مغمضاهم.. سرطات الريق بصعوبة وضارت عاطياه بالظهر باش مايزدش يشوف فضعفها وآلامها..

هزات بينوار كان محطوط تما لبساتو فوق بيجامتها وجرات الكونة دبنتها بسرعة وزادت خارجة تجاه الباب شعرها مشعكك وحالتها تشفي حتى من الدموع كانت كتحس بيهم خارجين من قلبها بقوة الحكرة لي حساتها عصرات قلبها وخلاتو ينزف بدون شعور منها

وصلات لباب حلاتها وضارت عندو كتشوف فيه بنضرات عامرين غل وحقد، جمعات جهدها وقوتها كلها وغوتات على جهدها فوجهوو بدون ما دير أدنى حساب او اعتبار بشنو ممكن يدير فيها من بعد
وجها محقون بالعصبية حتى ولا بلون احمر قااتم وعروق صغار بارزين فجناب جبينها وحاالة فيه عينيها لي تلونو بخطوط دموية حمراء بالغضب

مريم: سيير الله يااخد فيك الحق ياا شمااتة يالي ماشي راجل ياا لحگاار حااكر علياا حيت لقيتيني ولية ويتيمة ولكن تسناا يالغدار غاتجييك غاتجييك الحيواان الله يااخد فيك الحق

خرجات مع الباب معنقة الكونة دبنتها وباقا مستمرة فغواتها لي زاد علا وصوتها وتبح بالبكا لي كان نتيجة الصدمة من قرارو المفاجئ ولي كيخليها تزيد تصدم بقصوحية قلبو نهار على نهار

أما هو فحضاها حتى خرجات قرب لباب دفعها حتى تزدحات..
ودوز على وجهو واخد تنهييدة طويلة برااحة لي كان كيتسناها من زمان وزاد طلع لبيتو يرتاح من بعد جولة من الغضب لي هداتو وهدات طاقتو..