🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 24 _____:
هزات حاجبها كترمش عاضة على شفايفها باش تحبس الضحكة لي جاتها فداك الموقف الحرج.. حمدات الله لي عاطياه بالظهر.. مازادتش معاه الهضرة حيت خافت دير شي حركة ويتعصب عليها متوقعة منو كلشي..
ضارت هزات بنتها وزادت طالعة لبيتها كتزرب فالدروج وعقلها كيخيط ويفصل بوحدو..
تبعها بعينيه حتى غابت عليه وزاد الكوزينة هز شنو غايحتاج باش يجمع روينتو.. كشخص تعود على العيشة بوحدو من قبل مايسكن بوحدو من نهار لي ماتت فيه مو وهو بوحدو.. رجع لصالون وتحنى بنفسو كيجمع فالزاج بحدر حتى نقا الدنيا مزيان عاد ناض رما الزبل.. هز سوارتو وبزطامو وخرج من الدار مورالو نازل وكيتمنى من قلبو من أن كاع هادشي لي حاس بيه يزول فالقريب ويقدر يتهنى فحياتو بالطريقة لي بغا بعيد على كحل الراس ويعيش لراسو فقط..
∆عند مصطفى لي كان واقف عند الباب وقدامو واقفة كتلة الأنوثة الخاصة بيه حاطة يديها على رقبتو و بأظافرها الطوال كتخبشو قريب لودنو مشعلة نيران رغبتو بيها وملوية شفايفها بغنج
_ ياكماغاتعطلش عليا!؟ متأكد..
تنهد بخفوت متبع الحركة لشفايفها لي مزيناهم باحمر شفاه كرونة وملمعاه الشي لي خلا حجمهم يتضاعف.. تحنى خطف منهم بوسة وبعد عليها وهي كضحك وتلوى فحضنو
مصطفى: نشوف حريرة البرهوش مع مرتو ورجع عندك ماخدامش اليوم (غمزها بالخف) وجدي ليا شي عشا من يديك راني موحش لحلاوة لي كيخرجو
طلعات بصبعها من عنقو مقرباه لشفايفو وحطاتو على شفتو السفلية كتحركو بشوية
_اجي دغيا وتسالني حلاوة يدي وحلاوة حاجة خرا (رجعات ليه الغمزة كضحك بدلع) قطعك عليها برهوشك
تنفخ صدرو بتنهيدة طويلة وبعد عليها كيحنحن ويقاد فسروالو.. ضحكات بالجهد كتشوف جهة حجرو وتكات على الباب مربعة يديها قدامها
_كيبان ليا احبيبي كون غير درتي بالناقص وخليتهم يطلقو ولا يجلسو
تجمعو ملامحو وتمحات الضحكة من وجهو فثانية هاز فيها حاجبو بحدة رافض انها دخل فموضوع عائلي بعيد عليها
مصطفى: دخلي بحالك امليكة خليني معاك زوين وتعلمي دخلي سوق جواك حسن ليك
لوات شفايفها كتميق فيه وشدات فالباب كتحرك راسها بهدوء
مليكة: واخا طريق السلامة
خنزر فيها وضار عاطيها بالظهر جهة الطموبيل مخليها متبعاه بعينيها وحسابها فراسها لي مكيحبسش من التفكير والتخطيط..
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
