🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 71 _____:
مريم كانت رجعات جلسات كتفطر حاضنة روز وكتاكل بهدوء ماهزاتش فيهم عينيها ملي دخلو ... يوسف جر لوفاء لكرسي جلسها فيه وزاد جلس حدا مريم قرص روز فخدها لي غير شافتو بدات كتفركل بايديها ورجليها باغا تمشي عندو ...
يوسف : البارح فاش تلاقيتو يمكن ماتعارفتوش مزيان (شاف فمريم لي حبسات الماكلة كتسمع ليه) هادي وفاء ( بمزاح ) من صغري وهي لاسقة فيا (شاف عند وفاء لهزات حاجبها فيه مخنزة كتسناه يكمل) لي درتو كديرو فاللخر تجمعنا فالبيرو ديال الوليد معاونين معاه على الوقت
وفاء بقات كتبقلل فيعنيها مخنزة كلمة "لاسقة فيا" محملاتوش يقولها ليها جاتها فوق قلبها ولو انهم موالفين الضحك بيناتهم من ديما ، إلا أنها ماتقبلاتهاش قدام مريم
وفاء: ماعرفت شكون لي لاسق فلاخور .. سيد تزوج وولد وباقي مابغاش يعطيني التيساع باش نتزوج تأنا
يوسف(ضاحك): صافي شرفتي مابقا وقت زواج ابنتي مشا عليك الكار ...
وفاء: بزااف عليك تانكون شارفة قدك ... راه نتا دابا لي غاتخليك مريم وشوف ديكساع واش تقبل عليك شي وحدة يالمتوحد
هزات حواجبها كتقلي ليه السم، ومريم كترمش فيهم مصدومة من الجو لي بيناتهم وكيفاش ضاحكين ... للحظة طاحو عينيها على ضحكة يوسف لي أول مرة تشوفها نابعة من القلب!! عينيه مغمضين كيضحك حاط يدو على قلبو ... تنهدات وشافت عند وفاء عاضة على شفايفها
مريم: نقدرو نهضرو بزوج (شافت في فيوسف بنص عين) غير بوحدنا
شافت فيها وفاء مستغربة و حطات الكاس لي كانت كتشرب منو وحركات راسها بالايجاب بهدوء
يوسف: كملو فطوركم بعدا
مريم(بهدوء): انا شبعت
يوسف شاف عند وفاء وهي تبسمات ليه مطمأناه ...
وفاء: تأنا فطرت قبل مانجي
وقفات مريم كتقاد روز فكونتها وشافت فوفاء محاولة تبتاسم ليها فوق خاطرها من باب الصواب
مريم: إلا قدرتي ممكن تسبقيني لصالون !
تبسمات ليها وفاء وزادت خرجات مخلياهم بوحدهم ...
يوسف وقف كيمسح فمو وقرب منها كيتنهد
يوسف: غاتمشي اليوم عند ماماك؟
حركات ليه راسها بالايجاب بدون ماترد عليه ...
يوسف: انا غانطلع نبدل عليا ونزل ليك دوك لي فاليز (قرب من روز باسها كيشم فريحتها وشاف فمريم لي حاضياه بملامح جامدة) راه فطرتها (تحنحن باحراج) زعما وفاء هي لي قادات ليها الحليب وداك التخربيق ديالها ولكن راه شفتها كيدارت ليه المرة الجايا نقادو ليها انا
مريم(ببرود): تعطلتي باش تعلم (بتنهيدة خافتة) ولكن ماشي مشكل بنتي مامحتاجاكش...
قبل ماتسنى ردو هزات الكونة وزادت خارجة مخلياه كيدوز يديه على وجهو محاول يبرد عصباتو ببرودها
أنت تقرأ
🧡🍂 الــميــثـاق الـجـديـد 🍂🧡
Acción🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
