🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 18 _____:
ماكانش ابدا كتهمو حالتها النفسية ولا حتى حالة بنتها وشنو ممكن يسبب ليهم قدما كتهمو راحتو لي تسلبات منو بسباب وحدة كان غير سامع بيها ولا فجأة مشاركاه فكلشي.. كيشوف فيها قربات عندو و شدات فيديه مزيرة عليه كتطلبو وقريبة تبكي كتحاول بجهدها كامل باش تستغطف القليل من الرحمة لي متأكدة أنه ماكيملكهاش..
إنسان ماعندوش ذرة إحساس للناس لي ضايرين بيه.. عبارة عن جتة تطفو على بحر وماباغا حتى حاجة تعنكش مسيرتها الفارغة..
مريم(بضعف): حراام عليك والله قلت ليك مايمكنش ليا راك شفتي ماما الصباح ماباغانيش نطلق اصلا كيغاندير؟
نتر يديه من يديها بالجهد.. دافعها بقوة حتى تضرب راسها مع حافة الفوطوي.. و رجع بلور ببرود كينفض يديه عايفها.. هز عينيه فيها بحدة ورفع سبابتو قدامها بتحدير
يوسف: آخر مرة تحطي عليا يديك الموسسخة.. ومك سيري قولي ليها كانضربك و عييتي ومني باغا طلقي مهم ضبري راسك معااها لاكنتي باغا بنتك
حطات يديها على مكان الضربة لي فراسها كتحسسها ونزلات راسها كتبكي بحرقة ماحاملاش وضعها والموقف المهين لي توضعات فيه بدون خيار.. تجمعات فباصتها كترجف وهزات فيه عينيها بترجي كطلبو من خلال نضراتها
مريم(بغصة): راه ماغاتبغييش
دوز يديه على وجهو كيتنهد مفقوص.. وتمتم بخفوت بكلمات بلاما ينتابه كان كيوجهم ليها طعنة ولا ختها بدون رحمة
يوسف: هففف على باشار وعلى قوم تسلط عليا.. مها وماحاملاهاش بغاتني انا نصبر عليها وعلى حالتها كون كانت مي عايشة تبان صغر منك فالعمر
سرطات الريق بصعوبة كتحرك راسها بالسلب ووقفات مقربة عندو
مريم: حرام عليك والله تاحرام عليك هادشي لي غادير فيا وفبنتك مايمكنش ديرها
هز كتافو بلا مبالاة وبعد عليها عطاها بالظهر وزاد خارج للبالكو
يوسف: جربي وشوفي واش ماغانديرهاش
رجعات جلسات فبلاصتها فاشلة وخشات راسها بين يديها كتحركو بالسلب بطريقة هيسترية والدموع سايلين على حناكها بحرقة
مريم: ماغاتقدرش تاخدها مني.. لاا ماغاتقدرش هي بنتي بوحدي.. عمرك حتى عنقتيها باش تولي باغيها دابا ماغانخليهاش ليك واخا نعرف نمو.ت عليها
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
