🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 23 _____:
يوسف: ماغانضربكش بغيت نشوف واش تجرحتي.. لا تجرحتي خاصك تمشي الطبيب.. باش ماتموتيش بحالها (بلع الريق بقوة حتى تهزات تفاحة ادم فحلقو وكمل بانكسار) غاتخلي روز بوحدها وهي صغيرة بزااف.. باقا محتاجاك تعنقيها وتنصحيها ..محتاجاك تكوني معاها فاش تكون غادا تقرا ومحتاجاك فالحفالات..(وقفات مريم فاش بانت ليها حالتو ماشي دواحد غايضرها) تكوني معاها فاش تجمع العائلة و توجدي ليها شنو خاصها.. بنتك محتاجاك معاها بزااف
وقف يوسف قدامها وشد فدراعها كيتفحصها بخوف.. وهي متبعاه بعينيها والدموع شاقين طريقهم على حناكها.. حالتو جاتها غريبة..
بقا فيها..! رغم أنه مصرف فيها غير الشر ولي يخليها تمنى ليه ما كتر.. لولا تربيتها وقلبها الطيب لي خلاها تخلع عليه.. شدات فيديه مزيرة وحركات راسها بهدوء مبتاسمة ليه باطمئنان ونطقات بنبرة خافتة كتهدنو
مريم: ماوقع ليا والو ماتخافش ماتقاصيتش وباقا مع بنتي حتى تكبر إنشاءالله ونفرح بيها كيفما تمنيت
رمش فيها لثواني كيحاول يضبط راسو.. وبطريقة مافهمهاش وماستوعبهاش عقلو.. أن دقات قلبو هداو ورجعو لوتيرتهم بمجرد ماسمع صوتها وحنيتو.. لي من ديما كيتجاهلها فاش كيسمعها كتخاطب روز.. ديك النبرة والحنان لي فيها كتفكرو فالانسانة الوحيدة لي بغا فحياتو كلها.. اصلا هي الوحيدة لي خلاتو يبغي الحياة.. وبمجرد ماغابت عليه كره كلشي وراها.. بحال الأرض قاحلة غابت عليها الشتا.. وبحال نبتة ذابلة ماجاش ربيعها.. وبحال اليوم كئيب لي ماشرقاتش فيه الشمس ..
حرك راسو بهدوء كيطلق منها بشوية وأشار ليها جهة روز لي باقا كتبكي من اللحظة لي تسمع ليها صوت التهراس.. بعدات عليه بشوية خالعاها حالتو وماعارفاش كيفاش تصنف خوفها حيت هاد المرة ماشي من أنو يآديها..
مشات هزات بنتها كطبطب عليها وتهمس قريب لودنها باش تهدنها وتحسسها بالأمان من وجودها حداه بقات معاها كتهدنها ومتوترة من نضراتو لي مازاحهمش من عليها حتى سكتات روز، حطاتها وناضت كتكفض كمامها باش تبدا تجمع فالزاج حتى سمعات صوتو من وراها حابسها..
يوسف: طلعي بدلي عليك الوليد دابا وهو وصل انا خارج دابا ماغارجعش وبلاما تصوني عليا التليفون هرستو
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
