🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 10 _____:
وسط هدوء الغرفة وضلامها لي لولا الضو لخفيف لي متسلل من الباب لي خلاها مردودة ماكانش غايبان جسدو الضخم مرمي فوق السرير على كرشو وخاشي راسو بين المخاد.. شاد الناموسية كلها بعرضها وطولها وكيبان مديرونجي فنعاسو بسبب صوت الصونيط والدقان لي قرب يهرس الباب.. ومسموع تالعندو!!..
عقد حواجبو بعصبية فاش استفزو الأمر ومابغاش يحبس.. هز راسو كيحك فعينيه عاقد حواجبو مخنزر وفطو كيبان مزير عليه وكيتحرك بسبب سنانو لي كيغززهم ناوي على خزيت.. ضور راسو على البيت وغير ماسمعش حسها عرفها ماكايناش فالبيت.. وهو يغوت بصوت عالي بسميتها
يوسف: مريااام وااانم مرييمم حلي الخراا شوفي شكوون خالد القلا//وي لي فارع ليا كر•ي فهاد الوقت
عاود عيط بسميتها بنفس النبرة مرة وجوج بصوت عالي.. وفاش ماوصلو من عندها حتى جواب عاد بدا كيستوعب ويتفكر آخر الأحداث لي وقعو قبل ماينعس تفكر بلي راه ماكايناش معاه وبلي راه جرا عليها..
رمش لثواني كيتواعا و بلاما يحس تبسم بطرف شفاهو كيتنهد براحة رغم أن نعاسو تخسر فيه الا ان فكرة انها مابقاتش فحياتو خلاتو يرتاح ويتبسم.. تقاد على ضهرو كيتكسل وهو يعاود يتسمع ليه صوت الصونيت وما الغطا كيسب تحت سنانو
يوسف: ينـ•ـعل حس لي ينعس معاكم فهاد الدنيا القلا//وي دالزز//ب ينـ•ـعل مها حياة
ناض من بلاصتو كيتكسل خشا رجلو فكلاكيط وزاد نازل فالدروج كيخربق فشعرو نيشان جهة الباب حلها كيوجد الكلام لي غايطلي بيه الشخص لي خسر نعاسو ولكن غير شافو كاع ديك العصبية لي كان جامع تبخرات مع الهوا... فاش شاف باه قدامو
حنحن بخفوت وبعد من الباب كيحقق فملامحو الباردة كشخص جامد المشاعر محاول يحدد موقفو إذا كان عارف شنو واقع ولا إذا ماكانش عارف أصلا..
يوسف: نهار كبير هدا لي تفكرتي فيه دار ولدك
وقف قدامو بكامل ضخامت جسمو... عينيه السوداويين عليه مباشرة فبؤبؤ عينو بكل حد . دفعو من لباب تابعد… و رمى اول خطوة داخل وصوتو سابقو معليه كاينادي بإسمها متجاهل شخص لي خلا وراه رافع حواجبو ووجهو حمار من تجاهل باه ليه بطريقة استفزااتو
مصطفى:مريم اااا بنتي مريم اري ليا لالة روزا تشوف جدها راه توحشتها
أنت تقرأ
🧡🍂 الــميــثـاق الـجـديـد 🍂🧡
Azione🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
