🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 66 _____:
دام الصمت بيناتهم مدة طويلة.. شبعات فيها روز وحطاتها وسطهم بينما سدات الصدايف مخلياها كتلعب بيديها وبرجليها مافيهاش النعاس.. صوت ضحكتها وكلماتها الغير المفهومة كان مسموع..
تكات حداها مريم فاش كملات وجراتها عندها كتحاول تنعسها وهي كضور عند يوسف وتمد ليه يديها وترون فالكلمات باش تهضر معاه باغاه يهزها..
ابتسامة عريضة توسعات على شفاهو ونظرة محطمة وسط عينيه لي كيلمعو لمعة مازارتهم سنييين.. تنهد بالثقاالة وهز يدو كيمسح على وجهو..
مريم شافت حركتو الأخيرة وهزات حاجبها كتنهد جرات عندها روز وناضت ضاماها لصدرها
يوسف(بإستغراب): فين غادا؟
مريم: نخوي ليك البيت باش ترتاح من صوتها لي كيصدعك وماكيخليش ترتاح!!
تنهد كيحاول مايتسوقش لكلامها لي كيستفزو ويستوعب بلي راه معاها الحق وبلي راه من ديما كان كيجري عليها من البيت حيت تعصب من صوت روز.. مد يديه رفع الغطا و طبطب فالبلاصة لي جنبو كيومي ليها براسو باش ترجع
يوسف: رجعي بغيت ندوز آخر ليلة معاها ونشوف علاش كيعجبها تفيقنا بليل!!
ميلات راسها معاه عاضة فشفتها كترمش بصدمة من شنو كيطلب منها..
مريم: متاكد بغيتي نجي حداك انا وروز ؟!
تبسم وحرك راسو بالايجاب.. وهي رجعات حطات روز حداه وتخشات حداهم كتشوف فيه مصدومة.. هي شافت منو بزااف اليوم وكل ماكتزيد تشوف كيزيد يدخل ليها الشك فراسها على شنو سبب تغيرو فيوم واحد!؟
بينما يوسف غير تحطات حداه روز نساها وقرب من روز كيلعب معاها بيديه وهي فرحانة كضحك ليه وتمد يديها تلعب معاه..
مريم بقات حاضياهم ساهية فيه وفروز كيفاش كضحك معاه.. بلاما تحس تبسمات ورجعات علات عينيها فيه لقاتو كيشوف فيها.. تنهدات بعياء ونطقات بأسف واضح على نبرتها الخافتة
مريم: ماكنتش قاصدة نغوت عليك قبيلة ولكن من خوفي عليها ماحسيتش براسي.. سمحليا!
يوسف(بابتسامة خفيفة): ماشي مشكل..
بادلاتو الابتسامة ومدات يديها كتلعب فيدين روز.. حتى عاود نطق وعلات راسها كتسمع ليه
يوسف(بنبرة خافتة وبهدوء): بصح من حقك تخافي على بنتك ولكن امريم باش تخافي عليها من باها...
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
