🧡🍂 الــميــثـاق الـجـديـد 🍂🧡

بارت 46

🌸الميثاق_الجديد 🌸
        🍂  حـب بـعـد الانـفـصـال🍂
         🪔•وَ مِنْ رَمَٰادِ اُٰلْمَاضِي.....
                إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔

       ____part 46 _____:

بقا بنفس الوضعية ديالو كيزيد بجهد فالضربات للحيط لعلى صوتهم يغطي صوتها ومحاول نيت يتجاهل حريق رجلو لي عصبو حتى نطق نطق بحدة مقاطعها..

يوسف: سككتيي

قربات واقفة جنبو كتشوف فيه وهو منزل راسو هارب من نضرة اللوم لي لي متأكد غاتكون كتوجهها ليه فنضرتها ونبرتها...

مريم: حتى أنا كنت كلبس وكنتقاد كنخرج حيت كان عندي علاش !.. كنت عايشة ماشي مدفونة فالدار تحت طلبات واحد مسمي راسو رجلي!! كنت كنتهلا فراسي نمشي لصالون ونخرج نتقضى الحوايج بالشهوة كانو عندي صحابات والمهم أنني ككنننت عااايشة..

بعد عليها دافعها من كتفها كيجبد من جيبو الباكية دالكارو وزاد خرج البالكو مخليها كتنهج والدموع معمرين عينيها.. ساطت النفس بالجهد وزادت لدوش تغسل وجها باش تواكض حاسة براسها عيات وحتى هاد المواجهة زادت هداتها..

بينما يوسف خرج برا جلس فالجليسة كيكمي ومغدد .. كيفكر فهضرتها لي متأكد من أنها صحيحة... وضراتو.. ومالقا حتى باش يبرر حيت بصح افعالو معانا كانو انتقا•م منها ومن باه لي رغمو على الزواج منها ... ولحد الآن مافاهمش علاش ولا كيتعاطف معاها.. واخا قلبو مزال كحل على الوقت لي ضاع من حياتو والاعصاب لي تعصب معاها فأنها تقاد معاه ولكن فالأخير وبمجرد ماكتنطق هي بشنو ضرها كينسى كلشي وكتبقى فيه هي ! حيث رغم كلشي.. و حتى إذا كان كلشي بسبابها هي ماكانش عندها دخل مباشر..

بعد دقائق دوزاتهم فالدوش كتبكي وتغسل فوجها مفقوصة.. خاصة بعد المواجهة كانت صعيبة عليها كإنسانة كتوومة.. والأصعب من ذلك هو هضرتو لي فكل مرة كتزيد تجرحها وضعفها أكثر.. رغم ذلك مابيناتش وخرجات من الدوش كتمسح وجها بالفوطة الصغيرة.. حناكها ونيفها حومر مزنكين ورموشها فازكين.. تحت عينيها حمر بالبكى شعرها كامل تنفخ وتبوكل عاطيها فوليم زوين مضوراه لجنب واحد.. هزات عينيها ناحية البالكون فين عارفاه غايكون وغير بان ليها منغم مع كاروه عوجات شفايفها لجنب كتنهد ماكانتش باغا تمشي عندو وتزيد تهضرو ولكن وجودها هنا وبعيدة على بنتها ماطمنهاش..