🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 54 _____:
مريم: قولي نتا علاش دابا وليتي هاكا و شنو باغي مني؟
رمش فيها بهدوء غريب ومتناقض مع كاع الفوضى اي حلقات فيه لداخل.. سؤالها كان بحال الريح لي هيجات دوامة تفكيرو لي كان داير جهدو كااامل باش يخمدها ويطفي معاها عقلو.. بسؤالها روناتو كاامل وخلاتو كيفكر معاها فداك السؤال لي ماليهش جواب..حيت ببساطة هو براسو ماعارفش شنو باغي منها قد ماعارف أنها فهاد الساعات القلال وفهاد الوضعية هي خربقاتو وحتى لأخر لحظة قبل ماتسولو كان مستعد يكمل فداك التخربيق ويتجاهل كلشي!
مريم شافتو طول فالسكات.. وميلات راسها عينيها فعينيه مطرطقة فيه عينيها وعاقدة حواجبها الشي لي خلا نظراتها يبانو بحدة عمرو شافها من قبل فعينيها.. سرط الريق بقوة مهرب عينيه منها و شاف قدامو ساهي فالفراغ كيتنهد بعمق كبييرر غير كيرمش مافاهمش مالو!!
مريم(بنرفزة واضحة): شنو زعما تراجعتي على الطلاق ؟؟ خفتي على شنو وقع قبيلة لباباك ولا شنو؟ (دوزات لسانها على شفايفها كضحك مغددة وهي كتسنى جواب منو) إلا خايف عليه راه ماوقعش ليه هكاك على موضوع الطلاق غير رتاح
هز عينيه فيها و بانت نظرتو الفارغة دليل على ضياعو وسط هادوك الأفكار لي هجمو عليه وزادت عليه هي بهجوماتها المتتالية.. حس براسو تخنق قدامها بهضرتها وشوفاتها وكلشي ليها.. حاس بيها خنقاتو!!
بلا ميقول والو مخليها مفقوصة وكتزيد تفقص، دفع الكرسي حتى كان غايتقلب وتسمع صوتو قوي فالوسط بينما هو ماتسوقش وزاد خارج لشرفة المطعم لي كطل على البحر وفيها جليسات مفرقين فيهم لي على الرملة بعااد ولي قراب ديكورهم كلو رومانسي وهادئ بواحد النوع من الرااحة كيفتاقدو..
غير خرج وبعد على دائرة نظرها باش كانت محاصراه.. غمض عينيه وزيير عليهم كيخرج النفس قوووية من نيفو وصدرو كيطلع وينزل بوتييرة سرييعة.. يدو كيدوز بيها على عنقو مخنوق والنفس ماكدوزش ليه منو... تنهد وخشا يدو الثانية فحيبو جبد البريكة شدها فيديو لاخرة وبقا كيقلب على الكارو وغير تفكر بلي خلاه الفوق ززف بالبريكة مععصب ومفقوص غير بوحدو وكيسب فيها بالهمس بالعاصاب لي فيه..
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
