🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 33 _____:
ريح خفيف وهادي محرك فالمكان بانسيابية كيطير حبات الرمل ويداعبهم فالهواء مشكلين رقصة متقنة كتوضح كمية الانسجام لي بيناتهم.. واخا الريح كيتخلى على الرملة بعدما كترجع تلامس الارض ويقلب على اخرى.. هو نفسو داك الريح كان كينعش روح كل واحد مر من حداه وكيخليه أسير داخل جدران العشق بداك الراحة لي كيعطيها ليه..
وقريب من داك المكان كان كيبان منظر الغروب منعاكس على امواج البحر الهادية.. وخيوط أشعة الشمس الدهبية كتسبح بكل حرية فالأفق والما كيحوم بجانبها حتى كتقطعها سحابة فالسما وكيختفي انعكاسها فالبحر.. رغم ذلك الجو كان شاعري بالنسبة لدوك جوج دالناس لي جالسين قدام منظر خيالي بحال هداك.. واحد منهم كان مستمتع بكل ثانية كيدوزها فداك المكان ومرتاح فكل نفس كأن الريح لاقي عليه تعويدة من تعويدات العشق الخاصة بيه.. او ربما كيوهم راسو أنه مرتاح أو كيحاول بصح يرتاح..
بينما الطرف الثاني كان مركز غير عليه.. بعينيها السود لمجبدين بآيلاينر رقيق كيوضحو وسعهم وشفايفها الكرزية مفوهين شوية كترشف من لاباي لي فكاس عصيرها المفضل.. ساهية فيه هو!.. وهو ساهي فالبحر.. كيحس براسو باقي مخنوق واخا نفسو مرتاحة.. واخا بعد عليها وخرج يرتاح فأكثر مكان كيريحو ومع اكتر شخص كيرتاح ليه باقي حاس براسو مخنوق والغمة حاكماه.. باقي صدرو مزير ولكن كيحاول يوهم راسو ويوهمها هي لي حداه بلي كلشي هو هداك وهو بيخير!!
فغفلة منو ومنها ضار كيعوج فعنقو لي ضرو بالجلسة.. وهي قفزات كتحنحن محرجة من الشوفات لي كانت كدير فيه!! ماعارفاش امتى وكيفاش سمحات لنفسها ترجع تغرق فتفاصيلو الرجولية.. خدودها توردو واللمعة لي كانت فعينيها اختفت راجعة لصرامة ملامحها الانثوية.. مزيج بين الجرأة والكياتة كيتواجد فنسخة وحدة وهي هاديك لي قدامو..
ضرب بصبعو راجع يشوف فكاسو دالقهوة لي برد ومامسوقش ابدا ليها هي لي تلونات وتجمعات فجنبو.. وفثانية فقط..
ضور راسو كيخربق فشعرو وهي انتبهت ليه مديرونجي ونطقات بهدوء وبنبرة خافتة..
وفاء: غاتبقى ساكت هاكا ؟
حافظ على وضعيتو كهزهز الكرسي برجلو ونطق بنبرة بلاما يحس بان فيها انفعالو خاصة وأنه مزال ماسرطش كيفاش بان ضعيف قدامها ودغيا تأثر
يوسف: و ششنو بغيتي نقوول؟؟ نغني ليك؟
أنت تقرأ
🧡🍂 الــميــثـاق الـجـديـد 🍂🧡
Aksi🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
