🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 47 _____:
تنهدات مريم كتقوي راسها وتزيد تقاوم.. وزادت عندو واقفة جنب الباب بلاما دخل عندو بحكم أن ريحة الكارو مجهدة وكتخنقها..
مريم: واش ماغارجعوش؟
بقا بنفس وضعيتو كيسف الدخان وساهي.. ماسمعهاش وماحسش بوجودها ابدا حتى دقات فالباب دالبالكون بشوية ومن بعد بالجهد عاد تلفت عندها عاقد حواجبو بنرفزة
يوسف: ماالنا؟
خنزرات فيه بدورها معصبة منو بسبب الهضرة لي قال ليها والمقارنة لي دار بينها وبين وفاء
مريم: راه خاصني نمشي لا كنتي كتفكر راه روز بننتك بقات بوحدها ومامولفاش!!
يوسف (ببرود): عاقل عليها بنتي راها ماجالساش مع البراني راها مع مك ووصيتها عليها فاش كنتي ناعسة نتي سيري ترتاحي كوموندي ليك شي حاجة وغدا غانديك عندها
دفعات لباب بيديها تاضرب فيها البرد دالبحر لي قريب ليهم.. لحمها تبورش وعينيها دمعو بالبرد وزادت داخلة عندو مغوبشة..
مريم: لاااء مابغيتش.. بنتي أنا ماتبقاش بوحدها ماغاتقدرش تنعس
هز حاجبو مخنزر فيها ومتبع لعين لحركاتها وهي كتهضر وتعبر بيديها.. نزل راسو فاش انتابه لتصرفاتو ونطق بهدوء
يوسف: سيري تجلسي الله يهديك خلي هاد ليلة دوز بيخير
تنهدات بالجهد معصبة وزادت جلسات قدامو كتغزز فشفايفها وهو قالب وجهو كيشوف فالمنظر لي قدامو بغير نفس ونطق بعد مدة بنبرة خافتة ولكن مسموعة ليها
يوسف: دخلي بحالك البرد عليك..
شافت فيه بنص عين وقلبات عينيها كتصوط..
مريم: أولا ماسوقكش وثانيا علاش جايبني معاك هنا..
ضغط على مدمع عينيه مغمضهم وشاف فيها مبتاسم بعياء
يوسف: كنت جبتك هنا باش نتناقشو إذا كان شي مشكل نحلوه بيناتنا
ضورات عينيها عندو هازة حجبانها بنضرة ساخرة
مريم: على اشمن مشكل غانحلوه؟ حنا أصلا مابقات بيناتنا تاحاجة كنتسنى غير نطلقو (بحقد مكتووم) وكنواعدك بلي سميتك لخرة ماغانبقاش عاقلة عليها
ضحك بصدمة كيرمش قدامو عاد رجع شاف فيها بعينيه مغمضين وكيحرك راسو بلاحولة ضاحك
يوسف: ورااك حااقدة على هاد الحساب
ميلات راسها معاه مغوبشة بحدة ونطقات بنبرة جافة
مريم: بالعكس ماكنحس بجيهتك بوالو غير رتاح حتى داك الحقد ماكنحسش بيه حيت كنتي وباقي وغاتبقى نكرة بالنسبة ليا..!
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
