🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 42 _____:
ضوء القمر الخافت وهدوء المكان كان كيساعد على الراحة.. وسط غرفة كبيرة فخمة بشرفة واسعة كطل على إطلالة بحرية ساحرة.. كان واقف بسيرفيت خفيفة رمادية كومونداها من السيت باش يباتو هنا.. بين صباعو السبابة والوسطى كان نوع سيجارتو الغالية وضاير بيه دخانها.. متكي بضهرو على السياج الزجاجي وعينيه عليها..
كانت باقا ناعسة فوق السرير لي كيتوسط الغرفة ومقابل الباب دالبالكون فين واقف هو.. ببجامتها وبالتجاكيط ديالو لي كارزة عليها بيديها بجوج.. شعرها لاسق على جبهتها وعنقها بالعرق وحناكها مصبغين بالحمر.. واضح عليها عدم الراحة رغم ان كاع العوامل الخارجية كتساعد على الاسترخاء.. كتحرك فبلاصتها وتأن بحالا فشي كابوس من كوابيسها المرعبة لي مكتسالاش! وفجأة .. زيرات بيديها على أطراف التجاكيط وناضت جالسة كتغوت راجعة بلور حتى لسق ضهرها بالكادر دالسرير وعنقات رجليها عندها خاشية فيهم راسها كتبكي بالجهد وجسمها كلو كيترعد معاها بالخوف والتخنصيص..
عقد حواجبو بإستغراب من حالتها لي فكل مرة ماكيبقى فاهم فيها والو.. تقلباتها ومورالها النازل.. أكثر حاجة كتخليه مخربق معاها.. بعد المرات كيلقى راسو مل من نفس السيناريوهات كيتعاودو معاها.. نفس الخوف ونفس البكا.. ماكتحاولش كاع تزيد القدام لاسقة فالقديم بيديها وبرجليها ! تنهد بالجهد وزاد داخل البيت كيتسمع صوت البانطوف لي كيجر برجليه دفع الخامية لي قدام الباب الزجاجي دالبالكون ودخل عندها.. خاشي يديه فجيابو ورافع حواجبو بنفس نضراتو المستغربة وقف عند راسها وميل راسو كيطل عليها مخنزر كَفَاص لاسق فوجهو ماشي حيت باغي يخنزر فيها..
يوسف(بنبرة هادية مستفسرة): شنو حلمتي عاوتاني؟ شكون كان كيجري عليك!؟
قفزات فور سماعها لصوتو وتجمعات على راسها كتزير على التجاكيط ديالو وهو غير كيرمش فيها مافاهمش سبب خوفها.. واش منو ولا من الحلمة!؟ تنهد وقرب جلس حداها حاط يديه على راسها كيحيد خصلات شعرها..
مريم كانت جامدة فبلاصتها حتى فاش حسات بيه جلس مادارت حتى رد فعل ! ولكن غير مد عليها يديه وحسات بلمستو شهقات بالجهد وبعدات راسها كتكحز مبعدة عليه كتشهق
مريم: بب..بععد لاا.. بعد منني مااغانبقااشش معاك.. بعدد منيي
أنت تقرأ
🧡🍂 الــميــثـاق الـجـديـد 🍂🧡
Aksi🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
