🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 74 _____:
نوع الضحكات لي كنضحكو فحياتنا اليومية مختالفين، منهم لي كيضحك بسعادة وفرحة، ومنهم لي كيضحك بشماتة ومكر، ومنهم لي كيضحك بنفاق ، ومنهم لي كيضحك باش ينسي حزنو يحبس بكيتو لي واحلة فحلقو.. بحال مريم لي كضحك والغصة فحلقها حاصلة منغصة عليها طعم الضحك.. كضحك ضحكة عاامرةة دموع قهر وعياء فحياتها ماكانش عندها علامن تشكيهم
مريم: ومثلا حياة جديدة نقدر ندير فيها كاع داكشي لي تحرمت منو فاش تزوجت
ضرباتها وفاء لكتفها بمزاح كضحك على مثالها الاخير.. خالقين من كربتهم سعادة كيضحكو عليها كيما ضاحكة عليهم
..
وفاء: شنو دابا اش قلتي مانخرجوش؟
ميلات شفايفها لجنب وتكات على الفوطوي كتحرك راسها بالسلب
مريم: خلينا جالسين مالكي ياكما جالسة على الشوك؟
وفاء: اصاحبتي راني مامولفاش نجلس فالدار راجلك براسو فاش كيعيط ليا نتلاقاو فالدار باش يشكي عليا نص الطريق كندوزو سبان فيه
مريم تعقدو حواجبها من السيرة وتقادات فالجلسة كتشوف فيها معلية واحد من حجبانها
مريم: اولا ماتعاوديش تقولي عليه راجلي.. وثانيا كيفاش كيعيط ليك تلاقاو فالدار يشكي عليك ؟
وفاء(بعدم اهتمام): مشاكل خدمتو ولا مع باباه ومرة مرة يجي سكران جايب الكاو حيت عصبتيه نتي
ملامح الغيرة بداو يضهرو على تقاسيم وجها ووفاء كتوعا على شنو قالت معاهم.. هزات يديها قدامها كتحركهم بالسلب بحال المتهم حصل امام الشرطة وخاص يبرأ نفسو..
وفاء: ماتغرقيش عاوتاني بخيالاتك انا راه بحال ختو الصغيرة من صغرنا بجوج كانو يفرقونا بالبكا و من صغرنا اي حاجة عندنا كنعاودوها لبعضياتنا وبعد فاش ماتو واليديا بقا ليا غير هو وعمي مصطفى وعشت معاهم فترة طويلة يعني بلاما تغرقي خيالك انا ويوسف وداكشي لي كتفكري فيه امبووسييبل!!
مريم كانت مضيقة فيها عينيها بشك لي بدا كيختفي مع تبريرات وفاء.. تنهدات بخفوت ورجعات قلبات وجها كتشوف جهة روز لي غفات بالشبعة حتى كتبان ليها فسروالها الغوز شي حاجة مطبعة قربات مضيقة عينيها كتشوف فداكشي و وقفات بسرعة فور ما استوعبات
مريم: اويلي هدا تسطى ملبس ليا البنت الحوايج بلا ليكوش!!!
وفاء قربات كتشوف معاها فروز مافاهماش.. غير بان ليها سروال روز لي فازݣ حبسات الضحكة بزز كتشوف فمريم لي دغيا طارت هزاتها بكونتها تبدل ليها
مريم: تسنايني نبدل ليها ونجي
وفاء(بصوت عالي مسموع لمريم) بدلي حتى نتي معاها وعاد نزلي اليوم غانخرجو هي غانخرجو
جاها الرد من طرف مريم لي فالدروج
مريم: العفوو الله معاك تهنيت من واحد جا سلطك عليا
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
