🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 75 _____:
ضحكات وفاء وتقادات فبلاصتها مرتاحة كطبطب على التكاية فالفوطوي وكتفكر فكيفاش غايدوزو نهارهم بجوج.. باغا تخرجها من هاد حالة الحزن.. تنسيها وتنسى معاها خاصة وانها رتاحت ليها وحسات بمعدنها الصافي.. انسانة صادقة لي فقلبها على لسانها مامحتاجاش تلون باش تبغى لون واحد كافيها بالناس لي بغاوها بيه
بعد مدة تمات نازلة مريم بكسيوة طويلة فالباج بحزام فنصها عازل صدرها الوافي بالرضاعة ومطلوقة من جهة بطنها لي كتجمعها بالݣينزات من التحت كانت نازلة بصديفات بالقهوي من القدام حالاهم كاشفين على ساقها تالركبتها.. مع سنيديلة بلا سامبل فالابيض ..
هازة فيديها صاك متوسط الحجم فالغوز خاص بمستلزمات روز الضرورية وفاليد التانية هازة روز بكونتها لي كانت حيدات منها ليزار لي تقاس وبدلاتو بواحد اخر من حوايج روز لي خلات منهم عندو بحكم انها ماكفاوهاش الشانطات تهز فيهم حوايج روز كاملين..
شافت عند وفاء لي كانت شادة فتليفونها كتقلب فيه وقربات منها بهدوء
مريم: اوا نوضي عاونيني فدوك لي فاليز خرجيهم ليا لا بغيتي نونسك هاد النهار
هزات فيها وفاء راسها ضاحكة ووقفات
وفاء: الله يخلف عليك غاتونسيني غير تهدني احبيبتي ياكما قالك عليا يوسف مساعدة فعوض محامية نعرفو مخورج غاهو نتي ماتكونيش بحالو
زادت مريم كتقاد الصاك فكتفها وبنفس اليد هازة كونة روز لي كانت عملية ومريحة وبالثانية جرات فاليزة وشافت فيها هازة حجبانها كضحك
مريم: اختي انا لي كيبغي يخرج معايا خاص يستحمل متطلبااتي
وفاء: معضر يوسف مايضرب الطاسة ويبات يبكي قولي كنتي محمقاه
حلات الباب مريم الباب وتبعاتها وفاء جارة الفاليزة الثانية.. شدو الباب موراهم وخرجو كيضحكو.. وفاء مستغلة جميع الفرص باش ضحكها وماتخليهاش تخرج من الدار باكية بالعكس باغاها تخرج بطاقة زوينة تواجه بيها الحياة من جديد حيت ثايقة بلي مريم مزال قدامها حياة زوينة وخاص تقاتل عليها على ود بنتها.. بكثر مادازو عندها حالات كفس من مريم ولات عارفة كيفاش تعامل مع كل إمرأة وتعطيها شنو تحتاج خاصة ففترة بحال هادي.. كل وحدة كتكون محتاجة مساندة ، كتف ، حضن ، كلام دافي، وبزااف والمواساة والنصائح... ماكاتحتاجش لوم ونبش فالماضي إلى حد الندم..
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
