🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 40 _____:
عينيها بداو كيميلو مامركزاش مع هضرتو فاش حسات بوفاء واقفة قريبة منهم.. دارت ضحكة دخزييت وضارت كتشوف فيها مخنزرة وجاوبات موجهة ليه الهضرة بنبرة باردة.. ومحاولة ما أمكن تغطي بيها النار كتاكل فيها من الداخل..
مريم: ماعندي فاش نهضر معاك وحتى التواصل!! (ضورات عينيها عندو بنضرة فارغة من كاع المشاعر) وصل الأنسة ولا المدام لي جبتي معاك.. انا جيت بوحدي (بتأكيد) وغاانمشي بوحدي !
هز حاجبو مبتاسم ابتسامة جانبية كيشوف فهاد الكوطي الواثق منها لي أول مرة يشوفو ولي جاه ابدا مامناسبش شكلها وبرائة ملامحها لي تلاعبات بيهم محاولة ترجعهم حادين.. ضحك منزل راسو كيحاول يكبح الضحكة وسط هاد الموقف.. شد فيديها بتملك جارها وعينيه على وفاء لي غمزها وزادت تابعاهم كتأفأف بملل..
مريم عقدات حواجبها بعصبية من الوضع وبدات كضربو بيديها الثانية وتغوت عليه باش يطلقها.. وهو والو واش تحرك فيه ساكن غير جارها وساكت حتى خرجو على باب الكلينيك وشافها بدات تعكس وتوقف تاكتقرب طيح..
مريم: واااطلق.. طللق نقوولك ... واا شووف طلق ولا نسخف ليك هنا طللق أيوووسف.. طلاااق
ضار عندها مخنزر حتى جمدها بتخنزيرتو هكاك كيخلع.. وبلاما ينطق كلمة تحنى بغفلة منها وهزها فيديه مخلي ضرباتها يتحولو من يديه ودراعو لصدرو وعنقو ماقاداش توصل لوجهو بالخوف منو.. وصل لطموبيل حلها راميها لقدام وسد الباب كيشوف فوفاء لي عاد وصلات عليه دايرة ضحكة خفيفة كتشوف فيه
وفاء: القطيطة عندك ولات شرسة كاعما علمتيني من قبل بلي هي هاكا
نزل راسو كيحركو يمين وشمال ضاحك تاهو..
يوسف: وإلا قلت ليك غفلاتني بحالك (شاف فيها من الزاج دالطموبيل وهي غير شافتو قلبات عينيها بسرعة.. وضحكتو توسعات من ديك الحركة الطفولية منها) يمكن من الخلعة لي جاتها على الوليد
هزات حجبانها مراقبة الوضع وفلخر دارت ضحكة غريبة ومدات يديها لجيب هزات السوارت دطموبيلتو مداتهم ليه وهو شدهم كينحنح باش يرجع لشخصيتو الصارمة لي لانت..
وفاء(بهدوء): سير ايوسف مع مراتك هضرو وحطو النقط على الحروف.. (هز عينيه فيها مستغرب) عارفة غاتقول مامنحقيش ندخل ولكن راكم محتاجين إعادة النظر فهادشي لي كديرو (جا يقاطعها وقاطعاتو بنبرة أعلى هازة صبعها قدامو) ماتقاطعنييش إعادة النظر سلمية ماشي هي الخضوع والاستسلام لأمر الواقع سير لشي بلاصة كالم وهضر معاها لأول مرة كون مبرد معاها راها إنسان وعندها مشاعر !!
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
