🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 52 _____:
رجعات كتشوف فيه بعدما كانت ساهية فالاطلالة لي كتبان ليها من الزاج ديال التيراس.. داك الظلام لي فالسما وضو نجومها المبعترين حسسها بشوية دالراحة حتى قاطع تأملاتها بهضرتو لي خلاتها تقطب حواجبها واضح عليها عدم الاستعاب..
مريم: قلتي شي حاجة؟
اكتفى بتحريك راسو كجواب وهي تقادات فالجلسة كتبعد بكرسيها بعدما انتبهت ليه كيفاش لاسق بكرسيه عليها لدرجة رجليها لي كتلعب بيهم تحت الطبلة بالتوتر كلما تحركات كتقييسو بيهم
مريم: همم... قولي شنو بغيتي؟ ماسمعتكش..
حط لموني قدامو.. ربع يديه فوق الطبلة و مال بجسدو مقرب منا حتا تقابل وجهو مع وجهها.. سرط يقو بقوة فور ما رجعات تسسلات ريحتها لجيوبو كترجع تخلق ديك الحرب ثاني فروحو وترونو معاها
يوسف(بنبرة خافتة): قلت ليك كيديرو هنا الحوث زوين (تنهد منزل عينيه مع تقاسيم وجها البريئة) ولكن ماتاكليهش دابا
بدات كتبعد راسها عليه بشوووية حتى تضرب ضهرها مع الكرسي وشهقاات بالجهد كترمش فيه تالفة مع هضرتو ونضراتو، وحتى صوتو.. مامخليش ليها الفرصة فين ترتاح وتنفس..
بعدات نظرها عليه كتسرط فريقها وتهضر مع راسها مزال مخربقة مع اش قال وكنقول فدماغها آش دخل الحوت مع هضرتهم.. عضات على شفايفها خايفة يتراجع ومايبغيش يرجعها عند بنتها ويجبرها يبقا هنا وخايفة اكتر تكون فنيتو شي حاجة تخسر بلان طرلاقهم...
حركات راسها بالسلب بسرعة كطرد دوك التخيلاتها وتشجع فراسها باش تقاوم هادوك الدقايق القليلة معاه ولي بالنسبة ليها أطول من السنتين لي دوزو.. ماباغاش ضعف ليه بينما هو رجع لبلاصتو عادي كيشوف فالموني مبرررد لأقصى حد بحالا مادار هو والو..
مريم(بجمود): وو.. وعلاش ؟ (هز عينيه فيها معلي واحد من حجبانو) الحووث.. (بلعات ريقها كترمش فيه مرتابكة) علاش لي ماناكلوش؟
ضحك على تفكيرها لي عارفو غايكون سرح لبلاصة بعيدة.. و فشي حاجة لي ماكرهاتش كون حققها ليها.. تنهد مطول كيحرك راسو يمين وشمال ورجع كيشوف فالموني مجاوبها ببرود
يوسف: حيث الحوت يقدر يضرك فمعدتك و يقدر يجيك لعطش بليل و يخسر ليك نعاس داكشي علاش شوفي شي حاجة اخرى
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
