🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 19 _____:
حل باب لبالكو ترما فوق لفوطوي كينتر من كاروه بعمق حتا كيعمر ريتو ويبخ الدخان لفوق.. عينيه حمارو وتعسلو منغم كيفكر فحل ليه معاها لي يرضيه فالنهاية..
حاير بين أنه يبقى فعلاقة لي فعوض ماتكون إيجابية فحياتو غير كتزيد تمرضو.. زفر النفس بالجهد وغمض عينيه كيتفكر السبب لي خلاه يوافق النهار الأول.. طامع فأنه يصلح علاقتو مع باه رغم أنه ماكانش غلطو من الاول..
لولهة طاحت فبالو ذكرى من أصعب دكرياتو كمراهق طايش محتاج لعائلة جنبو توجهو وتعطيه الحنان.. ولكن مع الأسف كيلقى ام مغلوب عن أمرها وأب عايش لراسو أناني.. دخل لدار بعد يوم دراسي مرهق ويلقى مو طايحة فالارض منهارة وباه فرحان وناشط فبيتو مع الڨحاب..
تنهد بضيق فور ما تسمع ليه صوت التيليفون لي كيصوني حداه مقاطع تفكيرو الشي لي غير مازاد الطين بلة.. زفر النفس بالجهد مصحوبة بدخان كاروه وجبدو من جيبو خابطو بقوة مع لحيط حتا طاح مشخشخ فالأرض.. حل عينيه دامعين من الذكرى الأليمة لي جات فبالو.. ميل راسو كيرمش فيه ببرود و وقف عافس عليه و دخل للدار قاصدها من جديد... هاد المرة كانت العصبية مسيطرة عليه كتر من الاول ماكرهش يشدها ويمارس عليها جميع أنواع العنڤ والعداب حتى يهداو أعصابو.. ولكن..! لقا حاجتو فيها وخاص يتهنى منها ويخرجها من حياتو بحال الزغبة من العجين...
هزات عينيها فور ماسمعات صوت خطواتو السريعة.. قلبها حساتو ضرب فودنيها وداتها كلها رعشات من منضرو متهجم عليها..
رجعات بلور جارة بنتها لحضنها خايفة على راسها وعليها كتر وزيرات عليها كتحميها من شوفة عينيه..
قرب منها بسرعة مد يديه شادها من دراعها ونخضها حتى تسمع صوت غوات البنت لي فيديها.. ماتسوقش لبكاها وعلا صوتو كيغوت حتى كيبانو حلاقموو بالعصبية مابقاش متحكم فراسو
يوسف: داباا غايتحلل هادشي ونتيي لي غاتحليه سمعتييني
شدات فيديه كتحاول تفك راسها منو مخلوعة على بنتها..
مريم: طللق مني وهضر بحالل البشاار مالك ماكتعرفش؟
نترها من يديه حتى تزدح ضهرها ورفع سبابتو قدامها بتحدير
يوسف: دابا يا غاتصوني على لواليد غاتقولي ليه مابقيتيش باغا هاد زواج يكمل و نتي لي باغا طلقي (بنبرة امرة) داااباا.. وإلا غاناخد البنت دابا وعمرك لاباقي حلمتي تشوفيها
أنت تقرأ
🧡🍂 الــميــثـاق الـجـديـد 🍂🧡
Боевик🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
